ព័ត៌មានកីឡា

Vardy រកបាន៣ពិន្ទុបន្ថែមឲ្យ Leicester City

ក្នុងលទ្ធផល ១-០លើក្រុមម្ចាស់ផ្ទះ West Brom គឺជា៣ ពិន្ទុយ៉ាងសំខាន់ដែលកាន់តែធ្វើឲ្យ Leicester City មានសុវត្ថិភាពនៅPremire League។

ថ្វីបើ ក្រុមជើងឯករដូវកាលមុន Leicester City មិនអាចការពារតំណែងជើងឯករបស់ខ្លួន តែក្រុមកញ្ជ្រោងខៀវនៅតែអាចរក្សាតំណែង នៅPremire League រដូវកាលក្រោយទៀត។ Jamie Vardy បានរកគ្រាប់បាល់១គ្រាប់នៅក្នុងការប្រកួតយប់មិញជាមួយនឹង West Brom ដែលជាគ្រាប់បាល់ជ័យជម្នះរបស់ Leicester City។

៣ ពិន្ទុនេះ នឹងនាំឲ្យ Leicester City មានសុវត្ថិភាពជាងមុន ដោយមាន ៤០ពិន្ទុក្នុងដៃឈរលេខរៀងទី១១បណ្តោះអាសន្ន និងមាន ៩ ពិន្ទុលើតំបន់ដែលត្រូវកាត់ចោល។

Leicester City ត្រូវបន្តការប្រកួត ៤ប្រកួតទៀតដើម្បីធានាកៅអីនៅ Premire Leagueរដូវកាលក្រោយ។ ប្រសិនបើ កញ្ជ្រោងខៀវ អាចឈ្នះ២ ប្រកួតទៀត ឬត្រឹមឈ្នះ១ស្មើ១នោះពួកគេនឹងមានឱកាសលេងនៅរដូវកាលក្រោយទៀត៕

មតិយោបល់