ផ្ទះ ព័ត៌មានកីឡា ជំនួបធំប្រចាំ...

ជំនួបធំប្រចាំសប្តាហ៍ទី១០នេះ ក្រសួងការពារជាតិ ជួបជាមួយ ភ្នំពេញក្រោន

0

ការប្រកួត ជម្រើសជើងឯកជាតិ ឆ្នាំ២០១៧ (Metfone Cambodia League 2017) សប្តាហ៍ទី ១០ នឹងមានការប្រកួតដ៏ធំមួយរវាងក្រុមខ្លាំងនៅក្នុងលីគ ក្រសួងការពារជាតិ (ទ័ព) បើកទ្វារកីឡរដ្ឋានស្តាតចាស់ ទទួលក្រុមភ្ញៀវ ភ្នំពេញក្រោន នៅវេលាម៉ោង ៦ល្ងាច ថ្ងៃសៅរ៍ ស្អែកនេះ។

កាលពីសប្តាហ៍មុន ទ័ព បានចាញ់ វេស្ទើនភ្នំពេញ ដោយលទ្ធផល ២ទល់៣ នៅទឹកដីរបស់ខ្លួន ខណ:ក្រុម ភ្នំពេញក្រោន បានយកឈ្នះក្រុមការពារតំណែងជើងឯក បឹងកេត ៤ទល់០ ។ ទ័ព មានសង្ឃឹមច្រើន ព្រោះជាការប្រកួតក្នុងទឹកដីខ្លួនឯង តែភ្នំពេញក្រោនវិញ ក៏មិនឲ្យឱកាសរបស់ពួកគេ បាត់បង់នៅក្នុងការប្រកួតនេះដែរ។

ក្រុមទាំង២ បានត្រៀមខ្លួនរួចជាស្រេចសម្រាប់ប្រកួតនេះ ដើម្បីដណ្តើមតំណែងកំពូលតារាងជាមួយ ព្រះខ័នរាជ្យស្វាយរៀង។

គិតត្រឹមសប្តាហ៍ទី៩ ក្រុមក្រសួងការពារជាតិ មាន១៨ពិន្ទុ ឈរលេខរៀងទី ២ ចំណែកក្រុម ភ្នំពេញក្រោនវិញមាន១៧ពិន្ទុ ឈរចំណាត់ថ្នាក់ទី៣ តាមពីក្រោយស្វាយរៀងឈរលេខ១ មាន២១ពិន្ទុ៕