ក្រោយពីបានចូលមកប្រឡូកក្នុងវិស័យបាល់ទាត់នៅ Premire League កាលពីដើមរដូវនេះកន្លងមក កីឡាករស៊ុយអ៊ែត Zlatan Ibrahimovic បានជាប់នៅក្នុងបញ្ជីកីឡាករដែលមានទ្រព្យសម្បត្តិច្រើនបំផុតនៅចក្រភពអង់គ្លេស។

Zlatan Ibrahimovic ដែលកំពុងតែញ៉ាំញីដោយសាររបួស នៅពេលនេះ ខ្សែប្រយុទ្ធរបស់ក្រុមបិសាចក្រហម Manchester United រូបនេះ គឺជាកីឡាករដែលមានទ្រព្យសម្បត្តិច្រើនលំដាប់ទី២ នៅចក្រភពអង់គ្លេស។

នៅក្នុងបញ្ជីនេះ រាប់បញ្ចូលនូវកីឡាករគ្រប់ប្រភេទទាំងអស់ដែលជាជជនជាតិរបស់ចក្រភពអង់គ្លេស និងកីឡាករដែលប្រកបអាជីពនៅចក្រភពអង់គ្លេស។

ខាងក្រោមនេះជាបញ្ជីកីឡាករមានទ្រព្យសម្បត្តិច្រើនបំផុតទាំង ១០នៅចក្រភពអង់គ្លេស៖
១. Lewis Hamilton អ្នកប្រណាំងឡាន (១៣១លានផោន)
២. Zlatan Ibrahimovic កីឡាករបាល់ទាត់ (១១០លានផោន)
៣. Wayne Rooney កីឡាករបាល់ទាត់ (៩៣លានផោន)
៤. Jenson Button អ្នកប្រណាំងឡាន (៨៦លានផោន)
៥. Rory McIlroy អ្នកវាយកូនហ្គោល (៨២លានផោន)
៦. Sir Andy Murray អ្នកវាយតេនីស (៧៧លានផោន)
៧. Jose Mourinho គ្រូបង្វឹកបាល់ទាត់ (៦១លានផោន)
៨. Gareth Bale កីឡាករបាល់ទាត់ (៥៤លានផោន)
៩. Luol Deng កីឡាករបាល់បោះ (៥០លានផោន)
៩ . Pep Guardiola គ្រូបង្វឹកបាល់ទាត់( ៥០លានផោន)៕