Chelsea កំពុងតែមានក្តីសង្ឃឹមយ៉ាងខ្លាំង ក្នុងការប្រកួតយប់នេះ ជាមួយ Middlesbrought នៅយប់នេះ ដើម្បីផ្តាច់ ៧ពិន្ទុពីលើ Tottenham។

ការប្រកួតនៅរំលងអាធ្រាត្រយប់ស្អែកនេះ Chelsea មិនសូវព្រួយបារម្ភឡើយ ព្រោះតោខៀវ លេងនៅក្នុងផ្ទះខ្លួនឯង ម្យ៉ាង Middlesbrought មិនមែនជាឧបសគ្គធំឡើយ សម្រាប់ពួកគេ។ Chelsea សប្បាយរីករាយយ៉ាងខ្លាំង នៅពេលដែលក្រុមគូប្រជែងរបស់ពួកគេ Tottenham Hotspur បានបរាជ័យក្រោមស្នាដៃក្រុម West Ham កាលពីថ្ងៃសុក្រកន្លងមក។ ការបរាជ័យនេះ បានក្លាយជាចលករមួយយ៉ាងសំខាន់ក្នុងការនាំ Chelsea ឲ្យជោគជ័យក្នុងការ ឈ្នះពាន Premire League ឆ្នាំនេះ។

មកទល់ពេលនេះ Chelsea កំពុងតែមាន ៤ពិន្ទុនាំមុខក្រុម Tottenham ​ក៏ប៉ុន្តែ Chelsea នៅសល់ ១ប្រកួតយប់ស្អែកនេះ ទៀត​ជាហេតុធ្វើឲ្យ Chelsea ត្រូវខិតខំឲ្យអស់ពីសមត្ថភាព ដើម្បីបន្ថែមការនាំមុខ ស្របពេលដែលការប្រកួតនៅសល់ ៣ប្រកួតទៀត។ Chelsea នៅសល់ឱកាសឈ្នះពានចំនួន ២នៅឆ្នាំនេះ គឺ Premire League និង FA Cup៕