ការប្រកួតបាល់ទាត់ដណ្ដើមពានរង្វាន់សម្ដេចតេជោ ហ៊ុន សែន ឆ្នាំ ២០១៧ សម្រាប់ការប្រកួតដំណាក់កាលទី៣ ជើងទី ១ បានបញ្ចប់ជាផ្លូវការនៅថ្ងៃ ពុធ ម្សិលមិញនេះ ដោយក្រុម មជ្ឈមណ្ឌលកំចាត់មីនកម្ពុជា បរាជ័យក្រោមធ្វៃជើង អាស៊ីអឺរ៉ុបយូណាយធីត ក្នុងលទ្ធផល ០ទល់៣ នៅកីឡដ្ឋានស្តាតចាស់។

គ្រាប់បាល់ទាត់បញ្ចូលទីរបស់ក្រុម អាសុីអឺរ៉ុប រកបាននៅរគ្គទី២នៃការប្រកួតដោយកីឡាករ ម៉ន កក្កដា នៅនាទីទី ៥៨​ និងកីឡាករ ឈឹម សំបូរ​ ២គ្រាប់ ម្នាក់ឯង នៅនាទីទី ៧១​ ដែលជាការទាត់បាល់ ១១ម៉ែត្រ ខណៈដែលខ្សែការពារខាង សុីម៉ាក់ យកដៃរាំងបាល់ និង ១គ្រាប់ទៀតនៅនាទីទី ៩០ ជិតចប់ការប្រកួត។

សម្រាប់ការប្រកួតជើងទី ២ នឹងធ្វើឡើងនៅថ្ងៃ ពុធ ទី ២៤ ខែ ឧសភា ឆ្នាំ ២០១៧ ៕