ក្រុមបីសាចក្រហម Manchester Unitd បានចាប់ដៃគ្នាជាមួយនឹងក្រុម Ajax Amsterdam ដើម្បីឡើងទៅកាន់វគ្គផ្តាច់ព្រ័ត្រ Europa League នៅថ្ងៃទី ២៤ ខែ ឧសភា នេះ។

ការប្រកួតដ៍តនតឹង នៅវគ្គពាក់កណ្តាលផ្តាច់ព្រ័ត្រជើងទី២ បានឈានដល់ការរកក្រុមឡើងទៅកាន់វគ្គផ្តាច់ព្រ័ត្រហើយ។ បីសាចក្រហម Manchester United បានឡើងទៅកាន់វគ្គផ្តាច់ព្រ័ត្រយ៉ាងត្រដាបត្រដួសបន្ទាប់ពីការប្រកួតបានត្រឹមស្មើ ១-១ ជាមួយ Celta Vigo​​ ក៍ប៉ុន្តែ Manchester United​មានគ្រាប់បាល់ជ័យជម្នះ១ គ្រាប់កាលពីជើងទី១​សរុបទាំង២ជើង Manchester United ២-១​​ Celta Vigo។

គ្រាប់បាល់របស់ Man Utd រកបានដោ​យ​ Fellaini នៅនាទីទី ១៧​ និង១គ្រាប់របស់ Celta Vigo រកបានដោយ Roncaglia នៅនាទីទី៨៥​ ស្របពេលដែល Eric Bailly និង Roncaglia ទទួលបានកាតក្រហមម្នាក់១​ នៅនាទីទី ៨៨។ ចំណែក Ajax​ វិញបានឡើងទៅវគ្គផ្តាច់ព្រ័ត្រយ៉ាងប្រផាប់ប្រផីងដែរ បន្ទាប់ពីចាញ់ក្រុម Lyon ៣-១​ តែគ្រាប់បាល់សរុបទាំង២ជើង Ajax បានយកឈ្នះ ៥-៤។

Lyon រកគ្រាប់បាលបញ្ចូលទីបានដោយ Lacazette ២គ្រាប់នៅចុងម៉ោងនៃតង់ទី១ នៃនាទីទី ៤៥​ និង ៤៥បូក​ ខណះ ១គ្រាប់ទៀតរកបានដោយ Ghezzal នៅនាទីទី ៨១ ចំណែក Ajax អាចរកបានត្រឹមមួយគ្រាប់ដោយកីឡាករ Dolberg តាំងពីនាទីទី ២៧ តែ Ajax បានកាតក្រហម១ លើកីឡាករ Viergever នៅនាទីទី ៨៤ ។

ដូច្នេះ Manchester United និង Ajax នឹងត្រូវប្រកួតជាមួយគ្នាក្នុងវគ្គផ្តាច់ព្រ័ត្រដើម្បីស្វែងរកក្រុមឈ្នះជើងឯកនៅពេលខាងមុខនេះ។