សោកស្តាយដែល​ Yaya Toure បានសម្រេចចិត្តចាកចេញពី លីគកំពូល Premire League របស់អង់គ្លេស បន្ទាប់ពី Manchester City មិនព្រមបន្តកុងត្រាថ្មីដល់កីឡាកររូបនេះ ហើយក៏សម្រេចចិត្តទៅចូលរួមក្លិបនៅប្រទេស តួកគី ដោយមិនមានតម្លៃខ្លួន។

ការសម្រេចចិត្តចាកចេញពី Manchester City ​របស់កីឡាករកូឌីវ័រ វ័យ ៣៣ឆ្នាំរូបនេះ បានក្លាយជាការសោកស្តាយដ៍ធំមួយសម្រាប់អ្នកគាំទ្រ Manchester City ខណះកីឡាករចំណាស់រូបនេះធ្លាប់បានជួយក្លឹបយ៉ាងច្រើន។  Yaya Toure នឹងទៅកាន់ក្លឹប Galatasaray របស់តួគី ដោយគ្មានតម្លៃខ្លួនឡើយ ដែលនេះគឺជាលើកដំបូងសម្រាប់កីឡាករនៅលីគកំពូលអង់គ្លេស ដែលចាកចេញដោយមិនមានតម្លៃខ្លួនបែបនេះ។

ជាការពិតណាស់​​ ការសម្រេចចិត្តដើរចេញពីក្លឹបដែល Yaya Toure បានជួយឲ្យល្បីល្បាញនេះ វាគឺជាជម្រើសរបស់គាត់ ដោយសារក្លឹប Manchester City មិនព្រមបន្តកុងត្រាថ្មីឲ្យគាត់ ហើយក្លឹបក៍មិនបាននិយាយអ្វីពីអនាគត់របស់រូបគេនៅ Manchester City ទៀតឡើយ។ Yaya Toure នឹងផុតកុងត្រាជាមួយ Manchester City នៅចប់រដូវកាលនេះ ហើយគាត់ក៍នឹងទៅកាន់តួគី ដើម្បីចាប់ផ្តើមអនាគត់ថ្មីជាមួយ Galatasaray ។ នេះបើតាម Turkish Outlet បានឲ្យដឹងថា វត្តមានរបស់ Yaya Toure អាចមកជំនួសកន្លែងរបស់ Wesley Sneijder ដែលនឹងចាកចេញនៅរដូវក្តៅនេះ។

នៅរដូវកាលនេះ Yaya Toure បានបង្ហាញខ្លួនឲ្យ Manchester City ២៨ប្រកួត ស៊ុតបាន ៦គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ៣លើក។