AS Roma បានធ្វើឲ្យសមរភូមិ​អ៊ីតាលី កាន់តែតានតឹង ក្រោយពីយកឈ្នះ Juventus ៣-១​ កាលពីយប់មិញនេះ ធ្វើឲ្យប្រដេញពិន្ទុគ្នាយ៉ាងខ្លាំងខណះ​​ បេសកកម្មលីគកំពូល Italian Serie A របស់អ៊ីតាលីជិតបញ្ចប់។

ជ័យជម្នះ របស់ Roma ៣-១​ លើ​ Juventus បានបង្អាក់ដំណើរឈ្នះពានរបស់សេះបង្កង់ឲ្យនៅទ្រឹងសិន ដោយរង់ចាំ ២ប្រកួតបន្តទៀត។​ ៣គ្រាប់ របស់ក្រុមម្ចាស់ផ្ទះ Roma យប់មិញនេះរកបានដោយ​ De Rossi នៅនាទីទី ២៥,​​ El Shaarawy នៅនាទីទី ៥៦​និងគ្រាប់ទី៣​ រកបានដោយ Nainggolan នៅនាទីទី ៦៥។ ចំណែក ១គ្រាប់របស់សេះបង្កង់ Jeventus រកបានដោយ Lmina តាំងពីនាទីទី ២១។

Juventus នឹងត្រូវរង់ចាំប្រកួតក្រោយទៀត ជាពិសេសការប្រកួតបន្ទាប់នេះ ប្រសិនបើពួកគេ អាចយកឈ្នះបាននឹងក្លាយជាក្រុមឈ្នះជើងឯកបន្តទៀត។ ថ្វីបើ Roma បានឈ្នះការប្រកួតនេះក៍ដោយ តែ​ចចកមួយនេះ នៅមិនទាន់សង្ឃឹមក្នុងការឈ្នះពានឡើយ ព្រោះថា ​៤ពិន្ទុ នៃការនាំមុខរបស់​ឈរលេខ១ កំពុងជារនាំងរាំងស្ទះដល់ការឈ្នះពានរបស់ពួកគេ។​

គិតត្រឹមសប្តាហ៍ទី ៣៦​នេះ Juventus មាន ៨៥ពិន្ទុ Roma មាន ៨១​ និង Napoli មាន ៨០ពិន្ទុ ដែលសមរភូមិវាលស្មៅនៅអ៊ីតាលី​ មិនទាន់ដល់ទីបញ្ចប់ឡើយ។