Manchester City បានសម្រេចចិត្តក្នុងការបន្តកុងត្រា ១ឆ្នាំបន្ថែមទៀតដល់កីឡាករកូឌីវ័រ វ័យ៣៤ឆ្នាំ Yaya Toure បន្ទាប់ពីអ្នកគាំទ្របង្ហាញនូវក្តីស្រឡាញ់របស់ពួកគេមកលើកីឡាកររូបនេះ ក្នុងថ្ងៃខួបកំណើតរបស់គាត់នាពេលកន្លងមក។

ការសម្រេចបន្តកុងត្រាថ្មីដល់ Yaya Toure នៅជាមួយក្រុម Manchester City បានធ្វើទៅតាមការចង់បានរបស់ក្រុមអ្នកគាំទ្រ​ ដែលមិនចង់ឲ្យ Yaya ​ចាកចេញពីក្លិបឡើយ។ អ្នកគាំទ្រ​ Manchester City ស្រឡាញ់ និងគាំទ្រកីឡាកររូបនេះណាស់ ព្រោះរូបគេ បានចូលរួមចំណែកច្រើនក្នុងការឈ្នះពាននាពេលកន្លងមកជាមួយក្លិប។ ម្យ៉ាងវិញទៀត បើទោះបី កីឡាករកូឌីវ័ររូបនេះ មានវ័យកាន់តែជ្រេទៅហើយក៍ដោយ ក៍ Yaya Toure នៅតែលេងបានល្អ​ និងតែងតែបង្កគ្រោះថ្នាក់ដល់ដៃគូប្រកួតដដែល។

ដោយហេតុនេះហើយ ក្រោមការដឹកនាំរបស់លោក Pep Guadiola បានសម្រេចចិត្តបន្តកុងត្រាថ្មី ១ឆ្នាំ​ ដល់ Yaya Toure ដើម្បីផ្តល់ឱកាសឲ្យគាត់បន្តសាងស្នាដៃនៅ Manchester City ក៍ដូចជាការលួងចិត្តអ្នកគាំទ្រផងដែរ។