បន្ទាប់ពីបញ្ចប់កិច្ចសន្យាជាមួយក្រុមណាហ្គាវើលកាលពីអំឡុងខែមេសា ឆ្នាំ ២០១៧ កន្លងទៅ ខ្សែប្រយុទ្ធ ទុំ សារ៉ាយ បានលេចមុខជាប្រធានក្រុម ក្លិបអគ្គីសនីកម្ពុជា ក្នុងពេលជំនួបជាមួយ ក្រសួងការពារជាតិ កាលពីការប្រកួតសប្តាហ៍ទី១១ នៃពានរង្វាន់លីគកំពូលកម្ពុជា។

ការមកចូលរួមជាមួយក្រុមចំណូលថ្មីនេះ ទុំ សារ៉ាយ បានបញ្ជក់ថា៖​ «មានការឯកភាពទាំងខាងគ្រួសាររបស់ខ្លួនផងដែរ ព្រោះខ្ញុំមិនត្រឹមតែជាកីឡាករនោះទេ គឺបានក្លាយជាបុគ្គលិកអគ្គីសនីកម្ពុជា ហើយទទួលបានការងារក្នុងក្របខ័ណ្ឌ ផងដែរ»។

ការបង្ហាញខ្លួនលើកតំបូងជាប្រធានក្រុមអគ្គីសនីកម្ពុជា បានជួយឲ្យក្រុមទទួលជ័យជម្នះលើ ក្រុមក្រសួងការពារជាតិ ២ ទល់នឹង ១ ក្នុងសប្តាហ៍ទី ១១ នៃលីគកំពូល កម្ពុជា នាកីឡដ្ឋានស្តាតចាស់ ៕