AS Roma នៅមិនទាន់អស់សង្ឃឹមនៅឡើយទេ ក្រោយពីពួកគេ បានយកឈ្នះក្រៅដីលើក្រុម Chievo Verona ៥-៣ កាលពីយប់មិញនេះ។

ថ្វីបើ Juventus នៅសល់ ១ ប្រកួតក្នុងដៃច្រើនជាង Roma ក្តី ក៍ក្រុមចចកមួយនេះ ហាក់មិនទាន់អស់សង្ឃឹមទាំងស្រុងឡើយក្នុងការប្រជែងពាន Italian Serie A ។​ ជាការពិតណាស់ ប្រសិនបើ Juventus ភ្លាត់ស្នៀតប្រកួតចាញ់ Crotone យប់នេះវិញ នោះ គម្លាតពិន្ទុរវាងក្រុមទាំង ២នៅសល់ត្រឹម ១ ពិន្ទុប៉ុណ្ណោះ ខណះនៅសល់ ១ ប្រកួតផ្តាច់ព្រ័ត្រទៀត។ គិតត្រឹមសប្តាហ៍ទី ៣៧ នេះ​ Roma មាន ៨៤ ពិន្ទុ ចំណែក Juventus មាន ៨៥ ពិន្ទុ តែនៅសល់១ប្រកួតក្នុងដៃយប់នេះ។

ប្រសិនបើយប់នេះ Juventus ចាញ់វិញ សមរភូមិ Italian Serie A នឹងកាន់តែក្តៅគគុកនៅសប្តាហ៍ចុងក្រោយបន្តទៀត។ ក៍ប៉ុន្តែ Napoli ក៍មិនទាន់អស់ឱកាសឡើយ ព្រោះថា ក្រុមមួយនេះមាន ៨៣ ពិន្ទុ ប្រកៀកប្រកិតគ្នាក្រោយពីឈ្នះ Fiorentina ៤-១ យប់មិញនេះដែរ។