ព័ត៌មានកីឡា

Atletico Madrid នឹងនាំយកខ្សែប្រយុទ្ធឆ្នើម Lyon នៅរដូវកាលក្រោយនេះ

ខ្សែប្រយុទ្ធដ៍ឆ្នើមរបស់ក្រុម Lyon វ័យ ២៥ ឆ្នាំ​ Alexandre Lacazette កំពុងទទួលការចាប់អារម្មណ៍ពីសំណាក់ក្រុម Atletico Madrid។

បើយោងតាម Don Balon បានឲ្យដឹងថា ក្រុមជើងខ្លាំងអេស្ប៉ាញ Atletico Madrid មានបំណងចង់បានខ្សែប្រយុទ្ធ Alexandre Lacazette ពីក្រុម Lyon នៅរដូវកាលក្រោយនេះ។​ ទាក់ទងនឹងតម្លៃនៃការចរចារ នៅមិនទាន់ច្បាស់នៅឡើយទេ តែតាមមើលទៅ ប្រហែលជាមិនទាបឡើយ ព្រោះកីឡាកររូបនេះ កំពុងលេងឡើងជើង និងទទួលបានការចាប់អាម្មណ៍ច្រើនពីក្លិបធំៗជាច្រើន។​ Don Balon ដដែលបានបង្ហើបឲ្យដឹងថា Alexandre Lacazette ប្រហែលជាអាចផ្លាស់ទៅ Atletico Madrid ព្រោះ វាអាចជាឱកាសមាសមួយសម្រាប់កីឡាកររូបនេះ​​ មកសាងស្នាដៃថ្មីលើទឹកដីអេស្ប៉ាញ ក៍ដូចជាអាចមានឱកាសច្រើនក្នុងជម្រើស ១១ នាក់ដំបូងសម្រាប់ Atletico Madrid។

យើងនៅមិនទាន់ច្បាស់នៅឡើយទេថា Alexandre Lacazette នឹងមកចូលរួមជាមួយ Atletico Madrid ឬយ៉ាងណា ព្រោះរដូវកាលដោះដូរកីឡាករមិនទាន់មកដល់។

មតិយោបល់