ខ្សែប្រយុទ្ធប្រេស៊ីល​ Neymar នឹងទទួលបានលុយ​បន្ថែម ១លានដុល្លា ប្រសិនបើកីឡាកររូបនេះ ឈ្នះ Balon D’Or ជាមួយក្រុម Paris Saint Germain ។

ជាក់ស្តែងណាស់ បើតាមការចុះផ្សាយរបស់ Daily Mail ដែលបានមកពត៌មានមកពី ប្រទេសបារាំង បានឲ្យដឹងថា ម្ចាស់ឧបត្ថម្ភដ៍ធំរបស់ក្រុម Paris Saint Germain គឺក្រុមហ៊ុន Nike បានសម្រេចចិត្តផ្តល់ប្រាក់រង្វាន់លើក​ទឹកចិត្តដល់ Neymar ប្រសិនបើឈ្នះ Balon D’Or ។ ការផ្លាស់មកកាន់ក្រុម Paris Saint Germain បានធ្វើឲ្យប្រជាប្រិយភាព របស់កីឡាករប្រេសីលរូបនេះ កើនឡើងគួរឲ្យកត់សម្គាល់។

ថ្វីបើការចង់ឈ្នះពាន Champion របស់ក្រុមសម្បូរលុយបារាំងមួយនេះ កំពុងជួបហានិភ័យ ដោយសារក្រុម Real Madrid ក៍ដោយ តែសម្រាប់ក្រុមហ៊ុន Nike វិញ បានបន្តការលើក​ទឹកចិត្តដល់ក្រុម Paris Saint Germain ដដែល ជាពិសេសតារាសម្បូរ Style ប្រេស៊ីល Neymar ដើម្បីធ្វើឲ្យកីឡាកររូបនេះ កាន់តែខិតខំជាមួយក្លិបបន្ត​ទៀត។ យ៉ាងណាមិញ Neymar អាចនឹងមិនទទួលបានរង្វាន់នេះឡើយ ព្រោះថា Neymar កំពុងតែរង់របួសរហូតដល់ខែមិថុនា ទើបជាជាហេតុធ្វើឲ្យរូបគេ មិនប្រកដថាអាចឈ្នះ Balon D’Or ឡើយ។

ម្យ៉ាងវិញទៀត សម្រាប់ក្រុម Paris Saint Germain មិនប្រាកដថាអាចឆ្លងផុត ក្រុម Real Madrid នោះទេ ដោយសារតែជើងទី១ ចាញ់ ៣-១ ខណៈជើងទី២ នេះមិនដឹងថាអាចឆ្លងផុត ឬបញ្ចប់ត្រឹម​ហ្នឹងឡើយ។