ខ្សែបម្រើអេស្ប៉ាញ Ander Herrera នៅមិនទាន់បានទទួលពត៌មាននៃការបន្តកុងត្រាថ្មី ជាមួយក្រុមបីសាចក្រហម Manchester United ឡើយ ខណ:ខ្សែបម្រើសក់សំពោង Maroune Fellaini កំពុងតែរៀបចំកុងត្រាថ្មីជាមួយបីសាចក្រហម។

Herrera កំពុងតែ រង់ចាំនូវការកោះហៅ ពីសំណាក់ក្រុម​បីសាចក្រហម Manchester United ដើម្បីបន្តកុងត្រាថ្មី ដូចទៅនឹង Fellaini ដែលត្រូវបាន Man Utd កោះហៅនោះ។ ជាក់ស្តែងណាស់ បើតាមការចុះផ្សាយរបស់ Express News កីឡាករអេស្ប៉ាញ Ander Herrera មិនចង់ចាកចេញពី Man Utd ឡើយ ​បើទោះបីជាមួយរយ:ចុងក្រោយនេះ វត្តមានរបស់ Nemanja Matic បានរារាំងដល់អនាគត់កីឡាកររូបនេះក្តី។ យ៉ាងណាវិញ Herrera ពិតជាអន្ទះអន្ទែងយ៉ាងខ្លាំង បន្ទាប់ពីបានឃើញ មិត្តរួមក្រុម Maroune Fellaini ទទួលបានការបន្តកុងត្រាថ្មី ពីបីសាចក្រហម Manchester United ខណ:រូបគេនៅមិនទាន់បានទទួលដំណឹងនៅឡើយទេ។

គួរ​បញ្ជាក់ផងដែរថា Herrera បានបដិសេធ មិនផ្លាស់ទៅកាន់ក្រុម FC Barcelona រួចមកហើយ កាលពីរដូវក្តៅ កន្លងមក ព្រោះថា Herrera ចង់លេងនៅ Man Utd ច្រើនជាង។ ក៍ប៉ុន្តែ លោក Jose Mourinho បានព្យាយាមនាំយក Ivan Perisic ច្រើនលើកច្រើនសារ តែមិនបានសម្រេច​ បន្ទាប់មកអ្នកចាត់ការរូបនេះ បានមក ទិញយក Nemanja Matic ពី Chelsea វិញ ដែលមកជំនួសតំណែងយ៉ាងសំខាន់ក្នុងជម្រើស ១១នាក់​ដំបូង។ បើទោះបីជាយ៉ាងនេះក្តី Herrera នៅតែមិនទាន់​មានការរេចិត្តចាកចេញ ពី Man Utd ឡើយ ដោយកីឡារអេស្ប៉ាញ រូបនេះ បន្តរង់ចាំកុងត្រាថ្មី ជាមួយ Man Utd ក្នុងពេលឆាប់ៗនេះ បន្ទាប់ពី Fellaini បន្តកុងត្រារួចរាល់សិន។

ម្យ៉ាងវិញទៀតនោះ បីសាចក្រហម Manchester United ប្រហែលជាមិនបោះបង់ Herrera ឡើយ ព្រោះថា រដូចកាលមុន​ Herrera ជាប់ជាកីឡាករល្អជាងគេរបស់ Man Utd ដែលធ្វើឲ្យក្លិបមួយនេះ ត្រូវតែបន្តកុងត្រាថ្មីដល់ Ander Herrera ។