ខ្សែប្រយុទ្ធអេស្ប៉ាញ Diego Costa ត្រូវបានក្រុមតោខៀវ Chelsea យល់ព្រមលក់ទៅឲ្យក្រុម Atletico Madrid វិញហើយ ខណ:ការផ្លាស់ប្តូរនឹងត្រូវចាប់ផ្តើម នៅខែមករាខាងមុខនេះ។

យ៉ាងណាវិញ បើតាមការចុះផ្សាយរបស់ ESPN reports បានឲ្យដឹងថា ខ្សែប្រយុទ្ធ Diego Costa ពិតជាចង់ផ្លាស់ទៅកាន់ក្រុម Atletico Madrid ខ្លាំងណាស់ តែរូបគេមិនចង់ផ្លាស់ ក្នុងស្ថានភាពពេលនេះឡើយ។ ជាការពិតណាស់ Costa ពិតជាពេញចិត្តចំពោះការលេងឲ្យក្រុម តោខៀវ Chelsea នាពេលកន្លងមក ថ្វីបើមានការថ្នាំងថ្នាក់ចិត្ត បន្តិចបន្តួចជាមួយលោក Antonio Conte ក្តី​ តែខ្សែប្រយុទ្ធអេស្ប៉ាញរូបនេះ នៅតែមិនភ្លេចអនុស្សាវរីយ៍ ជាមួយក្លិបអង់គ្លេសនេះឡើយ។ ក្នុងនោះដែរ Costa បានឲ្យដឹងតាមរយ: ESPN reports ថា រូបគេចង់ចាកចេញមកកាន់ក្លិបចាស់មែន តែស្ថានភាពពេលនេះ មិនសមចាកចេញឡើយ ព្រោះរូបគេចង់ចាកចេញ ដោយទីផ្សារដោះដូរ មិនមែនដោយការ ថ្នាំងថ្នាក់ចិត្តគ្នាបែបនេះឡើយ។ Costa បានយល់ច្បាស់ថា លោក Conte លក់រូបគេ ព្រោះមិនចង់ទុករូបគេចោល ដោយត្រូវអង្គុយមើលគេលេងឡើយ។ ដែលនេះបង្ហាញឲ្យឃើញថា ថ្វីបើលោក Conte ខឹងចំពោះ Costa មែន តែលោកមិនរារាំងអនាគត់របស់ Costa ឡើយ។

ហេតុនេះហើយ Diego Costa​ ចង់បន្តរកគ្រាប់បាល់ឲ្យក្រុម Chelsea បានខ្លះសិន មុនផ្លាស់មកកាន់ Atletico Madrid នៅខែមករាខាងមុខនេះ។ គួរបញ្ជាក់ផងដែរថា Diego Costa បានផលាស់មកកាន់ តោខៀវ Chelsea កាលពីឆ្នាំ ២០១៤​កន្លងមក ដោយស៊ុតបាន ៥៨គ្រាប់ ក្នុងការបង្ហាញខ្លួនបានចំនួន ១២០ប្រកួត។