ថ្វីបើ ការចាកចេញរបស់ខ្សែការពារដែលលេងកាច Pepe បានក្លាយជាការខកចិត្តរបស់អ្នកអ្នកគាំទ្រ Real មែន ក៍ប៉ុន្តែសម្រាប់ Varane គឺជាដំណឹងដ៏ល្អបំផុត។

Pepe បានសម្រេចចិត្តហើយថា រូបគេនឹងមិនបន្តលេងនៅ Bernabue ទៀតឡើយបន្ទាប់ពីខ្សែការពាររូបនេះខកខានបង្ហាញវត្តមានយ៉ាងច្រើន ក្រោយជាពីរបួស។ យ៉ាងណាវិញ ការចាកចេញរបស់ ខ្សែការពារព័រទុយហ្គាល់ រូបនេះ បានធានានូវកៅអី ១១នាក់ដំបូងឲ្យកីឡាករ Raphael Varane ដែលមានភាពស្រពេចស្រពិលក្នុងជម្រើស១១ នាក់នៅពេលមាន Pepe។ Pepe បានចំណាយពេល ១០ឆ្នាំហើយ នៅជាមួយ Real Madrid ខណៈខ្សែការពាររូបនេះ បានផ្លាស់ពី Porto មកតាំងពីឆ្នាំ ២០០៧។

Varane នឹងក្លាយជាជម្រើស ១១នាក់ដំបូងក្នុងក្លឹប ព្រោះថាទម្រង់លេងរបស់គេ ប្រសើរជាង Nacho Fernandez ដូច្នេះហើយ វាគឺជាការប្រសើរសម្រាប់រូបគេ។ ម្យ៉ាងវិញទៀត ក្រៅពីការពារនៅតំបន់ខាងក្រោម Varane ក៏ជាកីឡាករដ៍គ្រោះថ្នាក់បំផុត នៅពេលទាត់បាល់ជ្រុងផងដែរ។ ហេតុនេះហើយ Raphael Varane នឹងក្លាយជាខ្សែការពារជាមួយកណ្តាលដ៏រឹងមាំ ក្នុងការចាប់ដៃគូប្រធានក្រុម Sergio Ramos ៕