ព័ត៌មានកីឡា

មិន​គួរ​ឱ្យ​ជឿ Messi ​និង Suarez ​ចូល​ចិត្ត​នោម​អង្គុយ​ដូច​គ្នា​

រឿង​មួយ​ដែល​ធ្វើ​ឱ្យ​អ្នក​គាំទ្រ​សើច​ខ្លាំង​មែនទែន​នោះ គឺ Lionel Messi ​ជា​មនុស្ស​ចូល​ចិត្ត​បត់​ជើង​តូច​អង្គុយ ​ដូច​ទៅ​និង​មិត្ត​រួម​ក្រុម Luis Suarez ​ដែរ។

ក្នុង​កិច្ច​សម្ភាសន៍​កាល​ពី​ពេល​ថ្មី​ៗ​នេះ Messi ​និង Suarez ​បាន​បង្ហាញ​រឿង​ដែល​ពួកគេ​ធ្វើ​ជា​ប្រចាំ​ដូច​គ្នា ​ទាំង​ការ​ញ៉ាំ ចំណង់​ចំណូល​ចិត្ត ​និង​ការ​ស្លៀកពាក់​ជា​ដើម។ អ្វី​ដែល​គេ​ចាប់​អារម្មណ៍​ជាង​គេ​នោះ​គឺ ​អតីត​កីឡាករ​ក្រុម Liverpool ​បាន​បញ្ជាក់​ថា​រូបគេ​ជា​មនុស្ស​ចូល​ចិត្ត​បត់​ជើង​តូច​អង្គុយ​ជាង​ឈរ ព្រោះ​នៅ​ផ្ទះ​របស់​គេ​មាន​កូន​តូច​ មិន​ចង់​ឱ្យ​រំខាន​ឡើយ។

ដូច​គ្នា​នេះ​ដែរ Messi ​សើច​មួយ​រំពេច​នៅ​ពេល​បាន​ឮ​មិត្ត​រួម​ក្រុម​និយាយ​ដូច្នេះ ​ដោយ​រូបគេ​ក៏​លាន់​មាត់​ដែរ​ថា​ដូច​តែ​គ្នា​ទេ ព្រោះ​ខ្សែ​ប្រយុទ្ធ​លេង​នៅ​ FC Barcelona ​តាំង​ពី​តូច​មក​នេះ ​ក៏​ចូល​ចិត្ត​នោម​អង្គុយ​ផង​ដែរ។ “អីគេ? អ្នក​អង្គុយ​ដែរ? ខ្ញុំ​ក៏​ធ្វើ​អីចឹង​ដែរ។ វា​ធ្វើ​​​ឱ្យ​មាន​អនាម័យ​ល្អ ​អ្នក​ក្រោក​ពី​ព្រឹក ​ហើយ​ពេល​គេ​គ្រប់​គ្នា​កំពុង​គេង ​ហើយ​អ្នក​ធ្វើ​ដូច​អិចឹង​ទៅ ​ជា​ជា​រឿង​ល្អ​បំផុត”។

មតិយោបល់