មានមន្ទិលសង្ស័យជាច្រើនចំពោះ Real Madrid ដែលហ៊ានបើកទ្វារឲ្យតារាបាល់ទាត់វែលដ៍ឆ្នើម Gareth Bale ចាកចេញពី ក្លិបនៅរដូវក្តៅនេះ។
Daily Star បានឲ្យដឹងថា មូលហេតុដែលនាំឲ្យក្រុមយក្ស Real Madrid សម្រេចចិត្តបែបនេះ ដោយសារតែ Real Madrid មានបំណងចង់បានកីឡាករបារាំងវ័យក្មេង Kylian Mbappe មកជំនួសតំណែងរបស់ Bale នៅរដូវកាលក្រោយ។ ក្រុម Real Madrid តែងតែចង់បាននូវកីឡាករក្មេងៗ ពោរពេញទៅដោយសមត្ថភាពយ៉ាងពិតប្រាកដ។
ជាក់ស្តែងណាស់ ក្រោយពីក្លាយជាជើងឯក Champion League ២ ឆ្នាំជាប់គ្នា ក្រុម Real Madrid បានសម្រេចចិត្តយ៉ាងភ្ញាក់ផ្អើលមួយក្នុងការលក់កីឡាករឆ្នើម Gareth Bale ចេញដោយរកកីឡាករថ្មីមកជំនួស។ Daily Star បានចុះផ្សាយថា កីឡាករដែលអន្ទងចិត្ត Real Madrid ឲ្យលក់ Bale ចេញនោះគឺ Kylian Mbappe ដែលជាកីឡាករវ័យក្មេងកំពុងឡើងជើងរបស់ក្លិប Monaco។
វាហាក់ដូចជាមិនសមឡើយ សម្រាប់ក្លិបយក្សអេស្ប៉ាញមួយនេះ ក្នុងការលក់ Bale ចេញ ក៍ប៉ុន្តែ វាគឺជាតម្រូវការរបស់ក្លិបដែលចង់បាន និងចង់លក់ ម្យ៉ាងនៅ Real មានកីឡាករល្បីៗគរជើងគ្នាច្រើនណាស់ជាហេតុធ្វើឲ្យក្លិបត្រូវតែចែកចាយកីឡាកររបស់ពួកគេឲ្យក្លិបផ្សេងខ្លះ។
មតិយោបល់