មិនត្រឹមតែបង្ហាញវត្តមានបានយ៉ាងល្អ ជាមួយក្រុម Paris Saint Germain ឡើយ​ ខ្សែប្រយុទ្ធវ័យក្មេង Kylian Mbappe កំពុងតែបង្ហាញសមត្ថភាព យ៉ាងលេចធ្លោជាមួយក្រុមជម្រើសជាតិបារាំង នាពេលបច្ចុប្បន្ននេះ ក្នុងព្រឹត្តិការណ៍ World Cup ទៀត។

ជាក់ស្តែងណាស់ បើតាមការចុះផ្សាយរបស់ The Mirror បានឲ្យដឹងថា ក្រុម​បីសាចក្រហម​ Manchester United បានចូលរួមប្រជែងជាមួយក្រុម Manchester City និង Real Madrid ក្នុងការដណ្តើមយកខ្សែប្រយុទ្ធវ័យក្មេង​បារាំង Kylian Mbappe ដែលកំពុងប្រកបអាជីព ក្នងលក្ខខ័ណ្ឌ ខ្ចីជើងជាមួយ​ក្រុម Paris Saint Germain ។ ថ្វីដ្បិតតែក្រុម Paris Saint Germain មានគម្រោងទិញផ្តាច់យក Mbappe ក្នុងតម្លៃ ១៦៦លានផោន ក្នុងរដូវកាលនេះក្តី តែក្លិបជើងឯកបារាំងមួយនេះ ប្រហែលជាពិបាកបនតិចហើយ បន្ទាប់ពីក្រុមយក្ស​៣របស់អឺរ៉ុប​ Man Utd, Man City និង Real Madrid តាមប្រមាញ់ មិនឈប់​ឈរបែបនេះ។ ម្យ៉ាងវិញទៀត Man Utd បានត្រៀមទឹកប្រាក់ខ្ទង់ ៨០លានផោន រួមជាមួយខ្សែប្រយុទ្ធបារាំង Anthony Martial ម្នាក់ទៀត ដើម្បីប្តូរយក Kylian Mbappe មកវិញ។

យ៉ាងណាវិញ លទ្ធផលយ៉ាងណានោះ ត្រូវរង់ចាំ ព្រឹត្តិការណ៍ World Cup ត្រូវបញ្ចប់សិន ទើបទីផ្សារដោះដូរកីឡាករបើកសារជាថ្មី ខណៈក្រុម Paris Saint Germain អាចបាត់បង់ Kylian Mbappe ក៍ថាបាន ប្រសិនបើ Man Utd, Man City និង Real Madrid ហ៊ានចំណាយច្រើន ដើម្បីកីឡាករវ័យក្មេងកំពុងឡើងជើងរូបនេះនោះ។