Daily Mail បានឲ្យដឹងថា ខ្សែប្រយុទ្ធស្លាប Gareth Bale នឹងមិនចាកចេញពីក្រុមយក្ស Real Madrid ឡើយបើទោះបីជា កីឡាកររូបនេះទទួលការចាប់អារម្មណ៍ពីក្រុម Manchester United ក៍ដោយ។

ថ្វីបើ Bale បញ្ចប់រដូវកាលជាមួយ Real Madrid យ៉ាងល្អក៍ដោយ តែកីឡាករវ័យ ២៧ ឆ្នាំរូបនេះហាក់មិនសូវបានលេងពេញជើងទេ បន្ទាប់ពីរងរបួសនាពេលកន្លងមក។ ជាក់ស្តែងណាស់ មានបណ្តាសារពត៌មានជាច្រើន បានចុះផ្សាយពីអនាគត់របស់ Gareth Bale ដែលអាចនឹងផ្លាស់ទៅ Man Utd នៅក្នុងពេលឆាប់ៗនេះ។ ក៍ប៉ុន្តែ នៅក្នុងការចុះផ្សាយចុងក្រោយ របស់ Daily Mail បានឲ្យដឹងថា Gareth Bale បានសម្រេចចិត្តរួចរាល់ហើយ ថារូបគេនឹងបន្តអនាគត់នៅ Real Madrid ជាបន្តទៀត។ Bale បានចូលរួមជាមួយ Real Madrid ៤ រដូវកាលហើយ ដោយបានជួយឲ្យ Real Madrid ឈ្នះ Copa De Rey ១លើក, Laliga ១លើក, Champion League ៣លើក, UEFA Super Cup ២លើក និង FIFA Club World Cup ចំនួន ២លើក។ ទាំងអស់នេះហើយ គឺជាសមទ្ធិផល ដែលកីឡាករសញ្ជាតិវែលរូបនេះ បានសាងកន្លងមកជាមួយ Real Madrid។

ដូច្នេះហើយ ការសម្រេចចិត្ត របស់ខ្សែប្រយុទ្ធស្លាបដ៍ឆ្នើមរូបនេះ ប្រហែលជារឿងមួយ​ដ៍ត្រឹមត្រូវព្រោះ នៅ Real Madrid អាចនឹងផ្តល់នូវពានជាច្រើនទៀតដល់ Bale ខណះការផ្លាស់ទៅកាន់ក្លិបថ្មី មិនប្រាកដថាល្អប្រសើរជាងនៅ Real Madrid ឡើយ។