កីឡាការនអាមេរិក Carli Lloyd វ័យ ៣៤ឆ្នាំត្រូវបានគេទទួលស្គាល់ថា គឺជាកីឡាការនីបាល់ទាត់ដ៍ឆ្នើម ដែលបានជួយក្រុម Manchester City ឲ្យឈនះពាន FA Cup នាពេលកន្លងមក និងជាម្ចាស់ពានបាល់មាស World Cup 2015 ។

នៅក្នុងបទសំភាសន៍ មួយជាមួយនឹង BBC Sports កីឡាការនី Carli Lloyd បានប្រាប់ទៅកាន់អ្នកសារពត៌មាននេះថា ក្រុមបីសាចក្រហម Manchester United គួរតែដល់ពេលបង្កើតក្រុមបាល់ទាត់នារីហើយ។ ជាការពិតណាស់ Man Utd មានគម្រោង បង្កើតក្រុមបាល់ទាត់នារីតាំងពីឆ្នាំ ២០០២ មកម្លេះ ក៍ប៉ុន្តែ ក្លិបដែលមានមូលដ្ឋាននៅទីក្រុង Manchester មួយនេះ នៅមិនទាន់បានបង្កើតឲ្យចេញជារូបរាងនៅឡើយទេ។ ក្នុងនោះដែរ Carli Lloyd បាននិយាយថា៖ Man Utd គឺជាក្រុមបាល់ទាត់មួយដ៍មានប្រជាប្រិយភាពនៅលើពិភពលោក។ ក៍ប៉ុន្តែ Man Utd បែរជាព្រងើយកន្តើយ ក្នុងការរារែកចិត្ត នៃការបង្កើតក្រុមបាល់ទាត់នារីទៅវិញ ខណះក្រុមធំៗ នៅអង់គ្លេស មាន Arsenal, Chelsea, Man City និង Tottenham រួមទាំងក្រុមជាច្រើនផ្សេងទៀត សុទ្ធសឹងមានក្រុមបាល់ទាត់នារីទាំងអស់។

ជាងនេះទៅទៀត ក្រុម Southamton ក៍កំពុងត្រៀមបង្កើតក្រុមបាល់ទាត់នារីផងដែរ ដោយពួកគេនឹងយកកីឡាករ ដែលលេងនៅក្រោយបញ្ចប់ព្រឹត្តិការណ៍ Euro U-21 នាពេលឋាងមុខនេះ មកបង្កើតក្លិប។ ហេតុនេះហើយ Carli Lloyd បាននិយាយបន្ថែមទៀតថា៖ Carli Lloyd ល្មមដល់ពេលដែល បីសាចក្រហម មានក្រុមបាល់ទាត់នារីហើយ ព្រោះកីឡាការនីជាច្រើនរូប ចង់មកលេងនៅ Man Utd ណាស់ គ្រាន់តែរង់ចាំឱកាសដែលក្លិបល្បីមួយនេះបង្កើតក្លិបប៉ុណ្ណោះ។

ដូច្នេះហើយ គណៈគ្រប់គ្រងក្លិប បីសាចក្រហម Manchester United គួរពិចារណាឡើងវិញ ក្នុងការបង្កើតក្លិបបាល់ទាត់នារីនេះ ព្រោះថាកេរ្តិ៍ឈ្មោះដ៍ល្បីល្បាញរបស់ Man Utd នឹងជួយឲ្យក្រុមបាល់ទាត់នារីរបស់ពួកគេ ល្បីល្បាញដូចគ្នា ប្រសិនបើមានការបង្កើតក្លិបមែន។