ព័ត៌មានកីឡា

Rio Ferdinand៖ ការត្រឡប់មកវិញរបស់ Ronaldo គឺជារឿងដ៍ល្អបំផុតសម្រាប់ Man Utd

អតីតខ្សែការពារដ៍ឆ្នើមរបស់ក្រុមបីសាចក្រហម Manchester United កីឡាករ Rio Ferdinand បានប្រាប់ Sky Sports ថា៖ ការវិលត្រឡប់របស់ខ្សែប្រយុទ្ធដ៍ឆ្នើមលំដាប់ពិភពលោក Cristiano Ronaldo គឺជារឿងដ៍ល្អបំផុតសម្រាប់ Man Utd ។

ថ្វីបើ Rio Ferdinand បានចូលនិវត្តន៍ពីបាល់ទាត់ហើយក្តី ក៍ប៉ុន្តែ ខ្សែការពារដ៍ឆ្នើមរូបនេះ បាននិយាយនៅក្នុងបទសម្ភាសន៍ជាមួយ Sky Sports ថា៖ Man Utd កំពុងតែវិលទីរកអតីតកាល ដ៍ខ្លាំងក្លាវិញហើយ បន្ទាប់ពីការនាំចូលសមាជិកថ្មីៗជាច្រើន ជាពិសេសគឺវត្តមាននៃការវិលត្រឡប់មកវិញរបស់កំពូលខ្សែប្រយុទ្ធ Cristiano Ronaldo ។ ជាការពិតណាស់ ការបែកធ្លាយនូវពត៌មាន នៃការចាកចេញរបស់ Ronaldo កំពុងតែក្តៅគគុកយ៉ាងខ្លាំង ខណះការរំពឹងពីសំណាក់អ្នកតាមដានបាល់ទាត់ជាច្រើនជឿជាក់ថា Man Utd គឺជាជម្រើសតែមួយគត់សម្រាប់កីឡាករដ៍ល្បីរូបនេះ។

ជាក់ស្តែងណាស់ អតីតខ្សែការពារដ៍ឆ្នើម Rio Ferdinand ដែលជាអតីតមិត្តរួមក្រុមរបស់ Ronaldo នៅ Man Utd កំពុងតែសោមនស្ស ចំពោះការវិលត្រឡប់មកវិញរបស់ Ronaldo ។ វត្តមានរបស់ Ronaldo សំខាន់ខ្លាំងណាស់ចំពោះ Man Utd ព្រោះថា ក្លិបបានបាត់បង់សក្តានុពលតំបន់ប្រយុទ្ធអស់រយ:ពេលយូរណាស់មកហើយ។ ដូច្នេះហើយ នៅរដូវកាលក្រោយនេះ Man Utd នឹងមានការប្រែប្រួលច្រើន នៅពេលដែល Ronaldo មកលេងវិញ ជាមួយនឹងសមាជិកថ្មីជាច្រើនរូបទៀត។

មតិយោបល់