ក្រុមរងជើងឯក Tottenham Hotspur របស់លីគកំពូលអង់គ្លេស បានត្រៀមខ្លួនរួចជាស្រេចក្នុងការចរចារជាមួយក្រុម Schalke នៅលីគកំពូលអាឡឺម៉ង់ក្នុងការនាំយកកីឡាករវ័យក្មេង Max Meyer ។

នេះគឺជាការព្យាយាមនាំយកនូវកីឡាករវ័យក្មេងបន្ថែមទៀត សម្រាប់ក្រុម Tottenham ដើម្បីមកពង្រឹងក្លិបនៅរដូវកាលក្រោយនេះ។ ជាការពិតណាស់ បើតាមការចុះផ្សាយ របស់ The Sun បានឲ្យដឹងថា Spurs កំពុងតែ ត្រៀមទឹកប្រាក់ប្រមាណជា ១៧,៥ លានផោនក្នុងការនាំយកកីឡាករវ័យក្មេងអាឡឺម៉ង់ Max Meyer ពីក្រុម Schalke ។ Max Meyer កំពុងតែលេងឡើងជើងយ៉ាងខ្លាំង ព្រោះកីឡាកររូបនេះ កំពុងតែបង្ហាញនូវទម្រង់លេងយ៉ាងល្អ ក្នុងព្រឹត្តិការណ៍ Euro U-21។ ម្យ៉ាងវិញទៀតកីឡាករវ័យ ២១ឆ្នាំរូបនេះ បានចូលរួមចំណែកយ៉ាងច្រើន នារដូវកាលមុនជាមួយនឹងក្រុម Schalke ។

ជាការពិតណាស់ ក្រុម Tottenham បានទិញយកកីឡាករក្មេងៗជាច្រើន ប៉ុន្មានរដូវកាលកន្លងមកហើយ ដើម្បីយកមកបណ្តុះនូវថ្នាលយុវជនជំនាន់ក្រោយឲ្យកាន់តែល្បីល្បាញឡើង។ ដូច្នេះហើយ ប្រសិនបើ Max Meyer យល់ព្រមមកកាន់ក្រុម Tottenham Hotspur នោះអនាគត់របស់កីឡាករវ័យក្មេងរូបនេះ នឹងប្រសើរឡើង ជាក់ជាមិនខាន។