ក្រុមជម្រើសជាតិអង់គ្លេស គ្រប់ឈុតទាំងអស់ បានបង្កើតនូវប្រវត្តិសាស្ត្រច្រំដែល ក្នុងការដែលក្រុមមិនដែលឈ្នះការស៊ុតបាល់ពិន័យ ១១ម៉ែត្រ កាត់សេចក្តីឡើយ។

ភាពច្រំដែល ដែលក្រុមអង់គ្លេស មិនអាចរើខ្លួនរួចនោះ បានបន្តទៀតហើយ លើក្រុមយុវជនអាយុក្រោម ២១ឆ្នាំ ក្រោយពីចាញ់អាឡឺម៉ង់យប់មិញនេះ។ ថ្វីបើអង់គ្លេស មានភាពរីកចម្រើនក្នុងវិស័យបាល់ទាត់ខ្លាំងលើបណ្តប្រទេសផ្សេងៗមែន តែអង់គ្លេស នៅតែមិនអាចលុបបំបាត់នូវស្លាកស្នាមប្រវត្តិសាស្ត្ររបស់ពួកគេបានឡើយ។ ជាការពិតណាស់ ក្រោយចាញ់អាឡឺម៉ង់ តាមរយៈបាល់ ១១ម៉ែត្រកាត់សេចក្តីនេះ វាបានផ្តល់នូវមេរៀនថ្មីបន្ថែមទៀត សម្រាប់ក្រុមអង់គ្លេស។

គួរបញ្ជាក់ផងដែរថា អង់គ្លេស ឲ្យតែដល់វគ្គទាត់បាល់ ១១ម៉ែត្រ កាត់សេចក្តី អង់គ្លេសហាក់មិនសូវធ្វើបានល្អឡើយ ដោយរបូតគ្រាប់បាល់ជាច្រើនគ្រាប់ អ្វីដែលសំខាន់នោះគឺ កីឡាកររបស់អង់គ្លេសតែងតែស៊ុតមិនចូល ១ ឬក៍២គ្រាប់ ក្នុងការស៊ុតបាល់វគ្គនេះ។ មិនថាកីឡាករល្មមៗទេ ដែលស៊ុតមិនចូលសូម្បីតារាដ៍ឆ្នើម David Backham ក៍ភ្លាត់ស្នៀត ក្នុងការស៊ុតបាល់វគ្គនេះដែរ។

នេះគឺជាការបរាជ័យចុងក្រោយបំផុត ក្នុងការទាត់បាល់ ១១ម៉ែត្រវគ្គកាត់សេចក្តីនេះ ខណះ កាលពី Euro 2012 កន្លងមក អង់គ្លេស បានបរាជ័យ ដោយបាល់ ១១ម៉ែត្រកាត់សេចក្តីនេះ ដោយស្នាដៃក្រុមជម្រើសជាតិអ៊ីតាលី។ ដូច្នេះហើយ ក្រុមអង់គ្លេស ដែលពោរពេញទៅដោយកីឡាករឆ្នើមៗនោះ នឹងព្យាយាមបន្ថែមទៀត ក្នុងការកែប្រែប្រវត្តិសាស្ត្ររបស់ពួកគេ កុំឲ្យច្រំដែលដូចពេលនេះទៀត។

ខាងក្រោមនេះ ជាវីដេអូ បង្ហាញពីសកម្មភាពប្រកួតយ៉ាងស្វិតស្វាញរបស់ក្រុមអង់គ្លេសអាយុក្រោម ២១ឆ្នាំ និងក្រុមអាឡឺម៉ង់អាយុក្រោម ២១ឆ្នាំ៖

https://www.youtube.com/watch?v=LQO7cKSMZo4