ក្នុងការប្រកួតវាយកូនបាល់រវាងក្រុមអាហ្សង់ទីន និងប្រេស៊ីល មានការប៉ះទង្គិចគ្នាមួយបានកើតឡើង រវាងក្រុមអ្នកគាំទ្រក្រុមទាំងសងខាង ដែលធ្វើឱ្យមានការភ្ញាក់ផ្អើល ដល់សមត្ថកិច្ចចុះមកបង្ក្រាបដល់កន្លែងប្រកួតតែម្ដង។

ក្រុមប៉ូលិសក្នុងតំបន់នោះ បានបញ្ជាក់រឿងហេតុខាងលើថាអំឡុងពេលក្រុមអាហ្សង់ទីន ប្រកួតជាមួយក្រុមប្រេស៊ីល ដើម្បីដណ្ដើមមេដាយនោះ មានអ្នកគាំទ្រអាហ្សង់ទីនម្នាក់ ហាក់មិនពេញចិត្តចំពោះលទ្ធផលនៃការប្រកួត។ ក្រោយមកទៀត បុរសរូបនោះបានប៉ះពាក្យសម្ដីគ្នាជាមួយបុរសម្នាក់ដែលជាអ្នកគាំទ្រប្រេស៊ីល ហើយភ្លាមនោះ ការប្រដាយប្រតប់គ្នាក៏បានកើតឡើងតែម្ដង។

យ៉ាងណាមិញ ស្ថានភាពបានស្ងប់ទៅវិញ បន្ទាប់ពីមានការបង្ក្រាបពីខាងប៉ូលិស ហើយក៏បាននាំអ្នកគាំទ្រដែលបង្កនោះទៅសួរនាំបន្ដផងដែរ៕