ក្រុមម្ចាស់ជើងឯក World Cup កាលពីឆ្នាំ ២០១៤ កន្លងមក Germany បានទម្លាក់ក្រុម Mexico ៤-១ កាលពីយប់មិញ ដើម្បីឡើងទៅកាន់វគ្គផ្តាច់ព្រ័ត្រ FIFA Confederation Cup។

Germany នៅតែខ្លាំង ដោយបានយកឈ្នះក្រុម Mexico យ៉ាងចាស់ដៃ ៤-១ ។ ៤គ្រាប់របស់ Germany រកបានដោយកីឡាករ Goretzka ២គ្រាប់នៅនាទីទី ៦និង ៨, Werner នៅនាទីទី ៥៩ និងកីឡាករ Younes នៅនាទីទី ៩០។ ចំណែកឯក្រុមជម្រើសជាតិ Mexico វិញ​រកបានត្រឹម ១គ្រាប់ប៉ុណ្ណោះ ដោយកីឡាករ Fabian នៅនាទីទី ៨៩ ។ ដូច្នេះហើយ ក្រុមជម្រើសជាតិ Germany នឹងត្រូវឡើងទៅកាន់វគ្គផ្តាច់ព្រ័ត្រ Confederation Cup ជាមួយ Chile។ គួរបញ្ជាក់ផងដែរថា ក្រុម Germany និង Chile ស្ថិតនៅក្នុងពូល B ដូចគ្នា ដោយការប្រកួតក្នុងពូលកន្លងមក ក្រុមទាំង២ បានត្រឹមលទ្ធផល ១-១ ។

ហេតុនេះហើយក្រុមទាំង ២ នឹងត្រូវជួបគ្នាបន្តទៀត នៅវគ្គផ្តាច់ព្រ័ត្រ ដើម្បីស្វែងរកក្រុមណាមួយដែលជាម្ចាស់ជើងឯក FIFA Confederation Cup ២០១៧ នេះ៕

ខាងក្រោមនេះជា វីដេអូហាយឡាយ រវាងការប្រកួតរបស់ Germany និង Mexico កាលពីយប់មិញនេះ៖

//www.youtube.com/watch?v=52j5tC2ObSU