ក្លិប Everton កំពុងតែចង់បានខ្សែប្រយុទ្ធ ២រូប គឺកីឡាករ Wayne Rooney និង Olivier Giroud ដើម្បីមកចាប់ដៃគូរគ្នាលេងក្នុងតំបន់ខ្សែប្រយុទ្ធក្នុងរដូវកាលថ្មី បន្ទាប់ពី Romelu Lukaku ដែលអាចនិងផ្លាស់ទៅកាន់ក្លឹប Chelsea ក្នុងតម្លៃ ៩០ លានផោនក្នុងពេលខាងមុខ។

កីឡាករដែលបានស៊ុតបញ្ចូលទី ២៥៣ គ្រាប់ច្រើនជាងកីឡាករទាំងអស់ឲ្យ Man Utd បាននិយាយថា៖ Everton នៅតែជាជម្រើសដ៏ល្អសម្រាប់ខ្ញុំក្រោយពីបានចាកចេញអស់រយះពេល ១៣ឆ្នាំ ក្នុងតម្លៃខ្លួន ២៦.៥លានផោនរួចមក។ ក្លិប Everton និងយល់ព្រមផ្តល់អោយ Rooney ២៥មុឺនផោន ក្នុងមួយសប្តាហ៏និងកុងត្រារយះពេល ២ឆ្នាំរឺក៏អាចបន្តច្រើនជាងនេះទៀត។ ខណៈដែលខ្សែប្រយុទ្ធ Olivier Giroud របស់ក្លិប Arsenal វិញក៏រៀបនិងមកកាន់ Everton ផងដែរក្នុងតម្លៃ ២០ លានផោន​ ដោយសារតែអនាគត់របស់គេ កំពុងមិនច្បាស់លាស់ ក្រោយពីក្រុមកាំភ្លើងធំទិញបានខ្សែប្រយុទ្ធថ្មី Alexandre Lacazette ពីក្លិប Lyon ក្នុងពេលថ្មីៗនេះក្នុងតម្លៃ ៥២ លានផោន។

សូមរំលឹកថា Everton គឺជាក្លិបចាស់របស់កីឡាករ Rooney ដូច្នេះហើយរូបគេនិងអាចមកចូលរួមសារជាថ្មីម្តងទៀត ហើយខ្សែប្រយុទ្ធរូបនេះ បានដកខ្លួនមិនចូលរួមជាមួយក្លិបបីសាចក្រហម ក្នុងតំណើរប្រកួតទេសចរណ៏នៅលើទឹកដីសហរដ្ឋអាមេរិចនៅថ្ងៃអាទិត្យខាងមុខនេះទេ ដើម្បីពន្លឿនការផ្ទេរនេះអោយបានឆាប់៕