ខ្សែបម្រើប្រយុទ្ធប្រេស៊ីល Philippe Coutinho នឹងត្រូវចាកចេញទៅក្រុម Barcelona នៅរដូវក្តៅក្រោយនេះ តែមុននឹងចាកចេញរូបគេចង់ជួយឲ្យក្រុមហង្សក្រហម Liverpool វិលទៅរកអតីតកាលសិន។

បន្ទាប់ពីប្រកួតស្មើ ២ប្រកួតជាប់ៗគ្នា​ នៅក្របខ័ណ្ឌ UEFA Champion League កន្លងមក ខ្សែបម្រើប្រយុទ្ធដ៍ឆ្នើម Philippe Coutinho នឹងព្យាយាមធ្វើយ៉ាងណាឲ្យ Liverpool វិលទៅកាន់ភាពល្អប្រសើរដូចពេលអតីតកាលវិញ។ បើតាម ESPN reports បានឲ្យដឹងថា Coutinho នឹងសហការជាមួយមិត្តរួមក្រុមទាំងអស់ ដើម្បីធ្វើយ៉ាងណាឲ្យក្រុមហង្សក្រហមវិលទៅរកអតីតកាលដ៍ខ្លាំងក្លារបស់ក្លិបវិញ។ ជាការពិតណាស់ ក្លុបបានយល់ព្រមលក់ រូបគេទៅឲ្យ Barcelona នៅរដូវក្តៅក្រោយហើយ ក៍ប៉ុន្តែមុនចាកចេញ Coutinho ចង់សាងសមិទ្ធផល មួយចំនួនទុកឲ្យក្រុម Liverpool ក្នុងនាមជាកីឡាកររបស់ក្លិបម្នាក់។

ប្រភពខាងលើដដែល បានឲ្យដឹងបន្ថែមទៀតថា​ ការឈ្នះពាន Champion League គឺជាក្តីស្រម៉ៃដ៍ធំ របស់ Coutinho ថ្វីបើការចាប់ផ្តើម ២ប្រកួតកន្លងមកមិនប្រសើរក៍ដោយ តែ Coutinho នៅតែជឿជាក់ថា Liverpool នឹងធ្វើបានល្អនៅប្រកួតបន្ទាប់ទៀត។ ដូច្នេះហើយ Philippe Coutinho ចង់ឃើញ Liverpool ក្លាយជាក្រុម ដ៍ខ្លាំងមួយ នៅក្រោយពេលដែលរូបគេចាកចេញទៅកាន់ក្លិបថ្មីមួយទៀត។