ក្រុមយក្ស Real Madrid បានកោះហៅកីឡាកររបស់ពួកគេឲ្យត្រឡប់មកវិញ ដើម្បីទៅចូលរួមការប្រកួតពានរង្វាន់ International Champion Cup នៅទីក្រុង Los Angeles សហរដ្ឋអាមេរិក។

ក្នុងចំណោមបញ្ជីឈ្មោះកីឡាករទាំង ២៦រូបដែលលោក Zidane បានកោះហៅនោះ បែរជាមិនមានឈ្មោះរបស់កំពូលខ្សែប្រយុទ្ធឆ្នើម Cristiano Ronaldo ឡើយ ជាហេតុនាំឲ្យមានមន្ទិលសង្ស័យជាច្រើន ស្របពេលដែលបញ្ហារបស់ Ronaldo នៅមិនទាន់ចប់នៅឡើយ។ ជាការពិតណាស់ ហេតុផល ដែលលោក Zidane មិនបានកោះហៅ Ronaldo ទៅចូលរួមការប្រកួតនេះ វាមិនខុសពីវិស្សមកាលមុនឡើយ ដែលក្លិបមានបំណងចង់ឲ្យកំពូលខ្សែប្រយុទ្ធរូបនេះសម្រាក ដើម្បីត្រៀមខ្លួន ក្នុងយុទ្ធនាការណ៍ នៅរដូវកាលក្រោយទៀត។ ម្យ៉ាងវិញទៀត ក្លិប ក៍មានបំណងចង់ឲ្យ Ronaldo មានពេលវេលាគ្រប់គ្រាន់ ក្នុងការមើលថែ កូនភ្លោះរបស់គេ ដែលទើបនឹងកើត នាពេលថ្មីៗកន្លងមកនេះ។ សូមបញ្ជាក់ផងដែរថា Ronaldo នឹងមិនបានចូលរួមប្រកួត El Clasico ជាមួយក្រុម Barcelona នៅលើទឹកដីអាមេរិក នាថ្ងៃទី ២៩ កក្កដា ខាងមុខនេះឡើយ។

ទាក់ទង នឹងការអវត្តមានរបស់ Ronaldo ក្នុងដំណើរប្រកួតទេសចរណ៍ នៅសហរដ្ឋអាមេរិកនេះដែរ ត្រូវបានអ្នកវិភាគមួយចំនួននិយាយាថា៖ Ronaldo មិនមកដោយសារតែ Ronaldo កំពុងត្រៀមខ្លួនចេញពី Real Madrid។ ក៍ប៉ុន្តែនេះមិនមែនជារឿងពិតឡើយ ព្រោះថា Ronaldo នឹងមិនទៅណាចោល Real Madrid ឡើយ ព្រោះរូបគេបានត្រៀមខ្លួន ក្នុងការប្រកួតគ្រប់ពេល នៅរដូវកាលខាងមុខនេះ ក្នុងនាមជាកីឡាករកំពូលមួយរូបរបស់ក្រុមយក្ស Real Madrid ។

ខាងក្រោមនេះជាបញ្ជីឈ្មោះកីឡាករទាំង ២៦រូបដែលត្រូវធ្វើដំណើរទៅកាន់ Los Angeles៖
អ្នកចាំទី
Keylor Navas
Kiko Casilla
Ruben Yanez
Luca Zidane

ខ្សែការពារ
Dani Carvajal
Raphael Varane
Nacho Fernandez
Marcelo
Theo
Danilo
Quezada
Tejero
Achraf
Manu Hernando

ខ្សែបម្រើ
Toni Kroos
Casemiro
Modric
Isco
Kovacic
Oscar
Franchu

ខ្សែប្រយុទ្ធ
Benzema
Bale
Lucas Vazquez
Morata
Dani Gomez