តាមរយៈ ទស្សនាវដ្តី Forbes បានឲ្យដឹងថា ក្រុមដែលមានបំផុតលើលោក ទាំង១០ មានតែក្រុមបាល់ទាត់ ៣ប៉ុណ្ណោះ ដែលជាប់ក្នុងបញ្ជីនេះ ដែលក្នុងនោះរួម មាន Manchester United, Barcelona និង Real Madrid ។

ថ្វីបើកីឡាបាល់ទាត់ ជាកីឡាមួយប្រភេទ ដែលមានប្រជាប្រិយភាពជាងគេក្នុងពិភពលោក ក៍ដោយ ក៍ប៉ុន្តែក្លិបដែលមានជាងគេបំផុតនោះ បែរជាមិនមែនជាក្រុមបាល់ទាត់ទៅវិញ។ ជាការពិតណាស់ នៅក្នុងការចុះផ្សាយរបស់ ទស្សនាវដ្តី Forbes បានឲ្យដឹងថា ក្លិបដែលមានជាងគេ ក្នុងពិភពលោក គឺជាក្លិប បាល់បោះ Dallas Cowboys របស់សហរដ្ឋអាមេរិក ដែលមានទឹកប្រាក់ប្រមាណជា ៤,២លានកោដដុល្លា តាមរយៈការកើនឡើង ៥% នៃប្រាក់ចំណូលប្រចាំឆ្នាំរបស់ក្លិប។

ចំណែកក្រុមបាល់ទាត់ Manchester United ថ្វីបើជាក្លិបបាល់ទាត់ ដែលមានទឹកប្រាក់ច្រើនជាងគេ ក៍ប៉ុន្តែ បើសរុបប្រភេទកីឡា ទាំងអស់ទៅ ក្រុម Man Utd ស្ថិតក្នុងលំដាប់ទី៣។ បន្ថែមលើនេះ ក្រុម FC Barcelona របស់អេស្ប៉ាញ ឈរលេខរៀងទី៤ តាមរយៈការកើនឡើង ទឹកប្រាក់ ២% និងក្រុម Real Madrid ឈរលេខ ៥ ដោយថយចុះប្រាក់ចំណូលប្រមាណជា ២%ផងដែរ។

ខាងក្រោមនេះជា បញ្ជីក្លិបមានបំផុតទាំងដប់ ក្នុងពិភពលោក៖

1. Dallas Cowboys, $4.2 billion, 5% (បាល់ឱប)

2. New York Yankees, $3.7 billion, 9% (បេសសប៊ល)

3. Manchester United, $3.69 billion, 11% (បាល់ទាត់)

4. Barcelona, $3.64 billion, 2% (បាល់ទាត់)

5. Real Madrid, $3.58 billion, -2% (បាល់ទាត់)

6. New England Patriots, $3.4 billion, 6% (បាល់បោះ)

7. New York Knicks, $3.3 billion, 10% (បាល់បោះ)

8. New York Giants, $3.1 billion, 11% (បាល់ឱប)

9. San Francisco 49ers, $3 billion, 11% (បាល់ឱប)

9. Los Angeles Lakers, $3 billion, 11% (បាល់បោះ)