ខ្សែប្រយុទ្ធ ដែលទើបចូលនិវត្តន៍ថ្មីថ្មោង Francesco Totti ត្រូវបានក្រុម Roma Legends កោះហៅឲ្យមកធ្វើជានាយកប្រតិបត្តិរបស់ក្លិប។

បើតាមការចុះផ្សាយ របស់ The Sun ប្រមាណជាប៉ុន្មានម៉ោងមុននេះ បានឲ្យដឹងថា ខ្សែប្រយុទ្ធជើងចាស់ វ័យ ៤០ឆ្នាំ ដែលទើបចូលនិវត្តន៍ កាលពីប៉ុន្មានខែមុននេះ ត្រូវបានក្លិប Roma Legends ត្រៀមជ្រើសយកជានាយកប្រតិបត្តិថ្មីរបស់ក្លិប។ ចំពោះបញ្ហានេះដែរ Totti បានផ្ញើសារនៅក្នុង Page របស់ក្រុម Roma ថា អាជីពជាកីឡាករបាល់ទាត់របស់គេ ត្រូវបានបញ្ចប់ហើយ ក៍ប៉ុន្តែការចាប់អាជីពថ្មីនេះ ពិតជាធ្វើឲ្យគេមានការភ្ញាក់ផ្អើលយ៉ាងខ្លាំង។ នេះគឺជាការទុកចិត្ត ការស្រឡាញ់ ដែលក្លិបមានចំពោះរូបគេ ដែលធ្វើឲ្យរូបគេ នឹងត្រូវខិតខំបន្តទៀត ដើម្បីក្លិប។ គួរបញ្ជាក់ផងដែរថា Totti បានចំណាយពេល ក្នុងអាជីពជាកីឡាករបាល់ទាត់ ជាមួយក្រុម Roma អស់រយ:ពេល ២៥ឆ្នាំមកហើយ ដោយបង្ហាញខ្លួនបាន ៧៨៦ និងស៊ុតបញ្ចូលទីបាន ៣០៧គ្រាប់ ព្រមទាំងឈ្នះពាន Serie A បាន១លើក កាលពីឆ្នាំ ២០០១។

ម្យ៉ាងវិញទៀត Totti មិនដែលចាកខេញពីក្រុម Roma ទៅកាន់ក្រុមផ្សេងឡើយ ដោយរូបគេ ប់នៅជាមួយក្លិបរហូត បើទោះបីជាក្រុម Real Madrid ធ្លាប់មានបំណងចង់បានរូបគេ ក៍ដោយ ក៍ខ្សែប្រយុទ្ធអ៊ីតាលីរូបនេះ មិនចាកចេញដែរ។ ដូច្នេះហើយ អតីតខ្សែប្រយុទ្ធឆ្នើមរបស់ក្រុម Roma កីឡាករ Francisco Totti នឹងក្លាយជានាយកប្រតិបត្តិរបស់ក្លិប Roma Legends នាពេលឆាប់ៗនេះ។