លោក Jose Mourinho អ្នកចាត់ការក្រុម Manchester United បានបង្ហាញចំណាប់អារម្មណ៍ថាក្រុមនៅអង់គ្លេសគ្មានឱកាសឈ្នះពានរង្វាន់ UEFA Champions League បានទេ ហើយប្រសិនបើឈ្នះមែននោះគឺវាជារឿងចម្លែកហើយ។
Mourinho ធ្លាប់ដឹកនាំក្លឹបមិនសូវខ្លាំង FC Porto លើកពាន Champions League កាលអំឡុងឆ្នាំ២០០៣កន្លងទៅ ខណ:ដែលបុរសសញ្ជាតិព័រទុយហ្គាល់រូបនេះ ក៏ធ្លាប់នាំក្លឹបនៅអ៊ីតាលី Inter Milan ឈ្នះពានរង្វាន់ធំជាងគេនៅអឺរ៉ុបនេះដែរ កាលពីឆ្នាំ២០០៩។ តាមបទពិសោធន៍នេះហើយ បានជាធ្វើឱ្យអតីតគ្រូបង្វឹក Real Madrid រូបនេះ គិតថាសមត្ថភាពក្រុមនៅអង់គ្លេសបច្ចុប្បន្នមិនអាចយកពាន Champions League បានឡើយ។
“ជាការពិត ខ្ញុំគិតថាក្លឹបនៅអង់គ្លេសពេលនេះ ពិបាកលេងជាមួយក្រុមនៅក្រៅប្រទេសណាស់។ ប្រទេសដទៃគេគិតពី Champions League ណាស់ ប៉ុន្តែសម្រាប់នៅអង់គ្លេសវិញ Premier League គឺសំខាន់ជាងគេ។ ដូច្នេះហើយ ស្ថានភាពនេះយើងអាចយល់ទាំងអស់គ្នាហើយ”។ សម្ដី Jose ។
ក្រុម Manchester United មិនបានចូលលេងពានរង្វាន់ UEFA Champions League នោះទេរដូវកាលនេះ ដោយធ្លាក់ទៅលេងបាន Europa League វិញ ខណ:ដែលការប្រកួតរបស់ពួកគេនឹងធ្វើឡើងនៅថ្ងៃព្រហស្បតិ៍ខាងមុខនេះជាមួយក្រុម Feyenoord ៕
មតិយោបល់