ក្រុមតោខៀវ Chelsea បាននាំយកខ្សែប្រយុទ្ធចំណូលថ្មី មកកាន់ទីលានហ្វឹកហាត់របស់ពួកគេហើយ ក្រោយពីក្រុម Real Madrid បានយល់ព្រមលក់ Alvaro Morata ក្នុងតម្លៃ ៦៧លានផោន។

នេះគឺជារឿងដ៍ល្អ សម្រាប់ក្រុមការពារតំណែងជើងឯក Premier League តោខៀវ Chelsea ដែលអាចនាំយក Morata មកកាន់ក្រុមបាន។ ជាក់ស្តែងណាស់ នៅក្នុងការចុះផ្សាយរបស់ ESPN reports បានឲ្យដឹងថា Alvaro Morata បានចូលរួមហ្វឹកហាត់ជាមួយក្រុម Chelsea ហើយ កាលពីថ្ងៃអាទិត្យ ម្សិលមិញនេះ។ Morata មានការសប្បាយចិត្តយ៉ាងខ្លាំង ព្រោះថាខ្សែប្រយុទ្ធរូបនេះ ទទួលបានការស្វាគមន៍យ៉ាងខ្លាំង ពីអ្នកគាំទ្រ Chelsea ជាពិសេសនោះគឺ មិត្តរួមក្រុមថ្មីរបស់ គេតែម្តង។

យ៉ាងណាវិញ វត្តមានរបស់ Morata ក្នុងក្រុម Chelsea នេះ គឺខ្សែប្រយុទ្ធអេស្ប៉ាញរូបនេះ នឹងមកជំនួសតំណែងរបស់ កីឡាករ Diego Costa ដែលចាកចេញ ក្នុងពេលដ៍ខ្លីខាងមុខនេះ។ ដូច្នេះហើយ Alvaro Morata នឹងក្លាយជាខ្សែប្រយុទ្ធមួយរូបដ៍សំខាន់ ដែលស្ថិតក្នុងជម្រើសដំបូងរបស់លោក Antonio Conte ក្នុងការជួយក្រុម ដើម្បីការពារជើងឯកនៅឆ្នាំក្រោយនេះ។

ម្យ៉ាងវិញទៀត Morata ក៍មិនទាន់ភ្លេចដែរ ពីក្រុម Man Utd ដែលបានធ្វើដាក់រូបគេនាពេលកន្លងមក តម្រូវឲ្យ Morata ត្រូវប្រឹងប្រែងឲ្យបានល្អ ក្នុងន័យឲ្យ Man Utd ស្តាយក្រោយចំពោះការមើលរំលងខ្សែប្រយុទ្ធដ៍ល្អរូបនេះ។