ការប្រកួតលីគកំពូលកម្ពុជា សប្តាហ៍ទី១៤ វាងក្រុម ភ្នំពេញក្រោន និង ក្រុមអគ្គិសនីកម្ពុជា ដែលធ្វើឡើងនៅកីឡដ្ឋានស្វាយរៀងនាថ្ងៃទី៣០ ខែកក្កដា ឆ្នាំ២០១៧ ដោយចាប់ផ្តើមនៅវេលាម៉ោង ៦ ល្ងាច ខណៈភ្នំពេញក្រោន រៀបចំឡានក្រុងសម្រាប់អ្នកគាំទ្ររួចជាស្រេច។

ក្លិបបានរៀបចំ សម្រាប់អ្នកគាំទ្រទាំងអស់ដែលមានបំណងចង់ចូលរួមទស្សនាការប្រកួតនៅលើទឹកដីខេត្តស្វាយរៀង ហើយសំបុត្រមួយមានតម្លៃ ៥ដុល្លារ ដោយរាប់បញ្ចូលថ្លៃធ្វើដំណើរ ទាំងទៅ ទាំងត្រលប់មកវិញ, ថ្លៃសំបុត្រចូលទស្សនាការប្រកួតនៅកីឡដ្ឋានស្វាយរៀង, ទឹកបរិសុទ្ធ និងអាហារសម្រន់ផងដែរ ។ ហើយរថយន្តនេះនឹងចេញដំណើរពីពហុកីឡដ្ឋានជាតិអូឡាំពិកនៅវេលាម៉ោង ១រសៀល ហើយត្រលប់មកវិញក្រោយការប្រកួតបានបញ្ចប់ ពោលគឺក្នុងវេលាម៉ោង ៩យប់ ដោយអាចនឹងមកដល់រាជធានីភ្នំពេញវិញក្នុងអំឡុងម៉ោង ១២អធ្រាត្រ ដោយចុះនៅពហុកីឡដ្ឋានជាតិដដែលវិញ ។

សូមបញ្ជាក់ថា សម្រាប់លោកអ្នកដែលមានបំណងចង់ទៅចូលរួមក្នុងការប្រកួតនេះ សូមទាក់ទងចុះឈ្មោះ និងបង់ប្រាក់តាមរយៈលេខទូរសព្ទ ០៩៦ ៤២១ ៥៥៤៥ ឬ ០៩៨ ៤៨១ ៥៤៧ និងសូមធ្វើដំណើរមកដល់ចំណតរង់ចាំ (នៅមុខខ្លោងទ្វារធំនៃពហុកីឡដ្ឋានជាតិអូឡាំពិក) នៅវេលាម៉ោង ១២ថ្ងៃត្រង់៕