ការទន្ទឹងរង់ចាំ ការប្រកួត El Clasico នៅទីក្រុង Miami សហរដ្ឋអាមេរិក នឹងមកដល់ក្នុងថ្ងៃស្អែកនេះហើយ រវាងក្រុមយក្សអេស្ប៉ាញទាំងពីរ Barcelona និង Real Madrid ។

ការប្រកួត រវាងក្រុម Barcelona និង Real Madrid នៅអាមេរិកលើកដំបូងនេះ ត្រូវបានមជ្ឈដ្ឋាន ជាច្រើនកំពុងតែអន្ទះអន្ទែង រង់ចាំការប្រកួតនេះយ៉ាងខ្លាំង។ ជាការពិតណាស់ Real Madrid និង Barcelon បានត្រៀមខ្លួនរួចជាស្រេច ក្នុងការប្រកួតនេះ ខណៈពេលដែលក្រុមទាំង២ បានកោះហៅកីឡាករសំខាន់ មកចូលរួមការប្រកួតនេះហើយ។ Barcelona ហាក់មិនមានបញ្ហាឡើយ ព្រោះថា កីឡាករ សំខាន់ៗ រួមមាន Neymar, Messi និង Suarez មានវត្តមានក្នុងការប្រកួតនេះទាំងអស់។

ចំណែក Real Madrid វិញ នៅមានបញ្ហាច្រើន ដោយសារតែ Ronaldo មិនមានវត្តមានក្នុងការប្រកួតនេះ ចំណែក Ramos មិនទាន់ជាពីរបួសនៅឡើយ ដែលធ្វើឲ្យខ្សែប្រយុទ្ធជួរមុខរបស់ Real Madrid មិនសូវមុតស្រួចដូចមុនឡើយ។ ការប្រកួតរវាងក្រុមទាំងពីរ នឹងធ្វើឡើង នៅវេលាម៉ោង ៧ស្អែកនេះ នៅកីឡដ្ឋាន Hart Rock នាទីក្រុង Miami ដែលអ្នកទស្សនាជាច្រើន បានរង់ចាំការប្រកួត ដ៍កម្រនេះលើទឹកដីអាមេរិក។

គួរបញ្ជាក់ផងដែរថា ការប្រកួត El Clasico កាលពីរដូវកាលមុន ក្នុងទឹកដីក្រុម Barcelona បញ្ចប់លទ្ធផល ១-១ និងទឹកដី Real Madrid វិញ ក្រុម Barcelona បានយកឈ្នះ Real Madrid ៣-២ ។ ស្របពេលដែល ២ប្រកួត នៅអាមេរិក កន្លងមកនេះ Real Madrid ចាញ់ទាំង ២ប្រកួត ដោយប្រកួតទី១ ចាញ់ Man Utd ដោយបាល់ ១១ម៉ែត្រ និងទី២ ចាញ់ Man City ៤-១។ ចំណែកBarcelona វិញឈ្នះទាំង ២ប្រកួត ដោយឈ្នះ Juventus ២-១ និងឈ្នះ Man Utd ១-០ ។