ខ្សែការពារដ៍ឆ្នើមរបស់ក្រុម Real Madrid កីឡាករ Sergio Ramos នឹងទៅចូលរួមជាមួយក្រុម Real Madrid នៅសហរដ្ឋអាមេរិកហើយ ក្រោយពីរបួសបានធូស្រាលជាងមុន។

Sergio Ramos ត្រូវបានអ្នកគាំទ្រជាច្រើនឆ្ងល់ថា ហេតុអ្វីមិនមានវត្តមានរបស់គេ ក្នុងការប្រកួតមុនរដូវកាលនៅ​អាមេរិក? ជាការពិតណាស់ បើតាមការចុះផ្សាយរបស់កាសែត AS បានឲ្យដឹងថា ប្រធានក្រុម Sergio Ramos បានទៅអាមេរិក ដោយចូលរួមហ្វឹកហាត់ជាមួយក្រុម Real Madrid ហើយ។ ការចូលរួមហ្វឹកហាត់ឡើងវិញនេះ បន្ទាប់ពីរបួសរបស់ខ្សែការពាររូបនេះ បានធូរស្រាលជាងមុន ដែលរូបគេបានរងរបួសបន្តិចបន្តួច កាលពីប្រកួតផ្តាច់ព្រ័ត្រជាមួយ Juventus ។

ការមកកាន់ ទីលានហ្វឹកហាត់វិញនេះដែរ ត្រូវបានក្រុមអ្នកតាមដានបាល់ទាត់ ជឿជាក់ថា ខ្សែការពារឆ្នើមរូបនេះ មានបំណងទៅចូលរួមការប្រកួត El Clasico ជាមួយក្រុម Barcelona ។ ណាវិញ បើតាមលោក Zidane អ្នកចាត់ការក្រុម Real Madrid បាននិយាយថា៖ Ramos មិនទាន់ច្បាស់ថា រូបគេអាចចូលរួម ការប្រកួតក្នុងថ្ងៃអាទិត្យ នេះឡើយ ព្រោះថាបើតាមក្រុមគ្រូពេទ្យ ទំនងថ្ងៃច័ន្ទ ឬថ្ងៃអង្គារ ទើប Romos បានជាសះស្បើយ ១០០%។ ប្រសិនបើ មិនមានបញ្ហាទេនោះ Ramos អាចនឹងចូលលេងបាន តែក៍នៅខ្លាចមានបញ្ហាបន្តិចបន្តូចដែរ។

ដូច្នេះហើយ វត្តមាន របស់ Sergio Ramos នៅ Real Madrid អាចនឹងមានភាពប្រសើរជាងមុន សម្រាប់ Real Madrid ព្រោះថា ២ប្រកួតកន្លងមកនេះ ក្រុមយក្សអេស្ប៉ាញមួយនេះ មិនទាន់ស្គាល់ ជ័យជម្នះម្តងណាឡើយ។