Post News Media ព័ត៌មានកីឡា Salah ប្រហារស...

Salah ប្រហារស្បែកជើងមាស Harry Kane

ការប្រជែងយកស្បែកជើងមាស Premier League រដញវកាលនេះ ដែលតានតឹង​ជាច្រើនខែកន្លងមកនេះ ហាក់លេចចេញជារូបរាងបណ្តើរៗហើយ ខណ:យប់មិញនេះ Mohamed Salah ស៊ុតគ្រាប់បាល់សឹងមិនគួរឲ្យឲ្យក្រុម​ហង្សក្រហម Liverpool ។

ជាក់ស្តែងណាស់ ក្រុមហង្សក្រហម Liverpool បានបំបាក់យ៉ាងចាស់ដៃលើក្រុម Watford ក្នុងលទ្ធផល ៥-០ ដោយមិនឲ្យដៃបានវិញ សូម្បីតែមួយគ្រាប់វិញ​ឡើយ។ ក្នុងនោះដែរ ៥គ្រាប់របស់ Liverpool នេះ ខ្សែប្រយុទ្ធអេហ្ស៊ីប Mohamed Salah ធ្វើបានយ៉ាងល្អ ដោយស៊ុតបញ្ចូលទីគូប្រកួតដល់ទៅ ៤គ្រាប់ម្នាក់ឯង ក្នុងចំណោម ៥ គ្រាប់ ដោយធ្វើបាននៅនាទីទី៤, នាទីទី៤៣, នាទីទី៧៧ និងនាទីទី៨៥ ខណ:មួយគ្រាប់ទៀតស៊ុតបញ្ចូលទីដោយ ខ្សែប្រយុទ្ធ​ប្រេស៊ីល​ Roberto Firmino នៅនាទីទី៤៩។

ឆ្លងកាត់ការស៊ុតបញ្ចូលទី ៤ គ្រាប់​យប់មិញនេះ បានធ្វើឲ្យ Salah រំកិលឡើងមកកាន់កំពូលតារាង នៃអ្នកស៊ុតបញ្ចូលទីច្រើនជាងគេ នៅ Premier League ហើយ ពោលដោយស៊ុតបាន ២៨ គ្រាប់នាំមុខលើម្ចាស់ស្បែកជើងមាស​ ២រដូវកាលជាប់គ្នា Harry Kane ចំនួន ៤គ្រាប់។ ថ្វីបើយ៉ាងនេះក្តី Salah នៅមានឱកាសក្នុងការ​ស៊ុតបញ្ចូលទីបន្តទៀត ស្របពេលដែល Harry Kane មិនមានឱកាសឡើយ ដោយសារបញ្ហារបួស របស់គេ ត្រូវពន្យាពេលការចូលទីលានវិញ នៅមួយខែជាងទៀតឯណោះ។

ដូច្នេះហើយ ស្បែកជើងមាស Premier League រដូវកាលនេះ ច្បាស់ជាប្តូរម្ចាស់ថ្មីហើយ ដែលទំនងជា ៩០% ហើយ Mohamed Salah នឹងដណ្តើមយកមកគ្រងក្នុងរដូវកាលនេះ ពោលគឺជាលើកដំបូងសម្រាប់ Salah ក្នុងការឈ្នះស្បែកជើងមាសនេះ។