Sadio Mane ត្រូវបាន Mirror ចុះផ្សាយឲ្យដឹងថា កីឡាករស្លាបរូបនេះ នឹងផ្លាស់ទៅកាន់ក្រុម Inter Milan ក្នុងតម្លៃខ្លួន ៣៥លានផោន។

ជាការពិតណាស់ ក្រុមហង្សក្រហម Liverpool អាចនឹងត្រូវបាត់បង់កីឡាករ ២រូបក្នុងរដូវក្តៅនេះ ខណៈ Philippe Coutinho កំពុងត្រូវបានក្រុម Barcelona តាមប្រមាញ់ និង Sadio Mane ក៍កំពុងជិតផ្លាស់ទៅកាន់ក្រុម Inter Milan ទៀត។ Mane មានទម្រង់លេងយ៉ាងល្អ ខណៈក្រុមហង្សក្រហម Liverpool ទើបតែនាំយក ពីក្រុម Southampton កាលពីរដូវក្តៅមុន ក្នុងតម្លៃ ៣៤លានផោន ដោយកីឡាករ រូបនេះស៊ុតបាន ១៣គ្រាប់ហើយ កាលពីរដូវកាលមុន។ យ៉ាងណាវិញ ក្រុម Inter Milan បានតាមប្រមាញ់ កីឡាកររូបនេះហើយ ដើម្បីទៅជួយក្រុម យក្សអ៊ីតាលីមួយនេះ ឲ្យមានភាពខ្លាំងក្លាដូចដើមវិញ ក្រោយពីថមថយឥទ្ធិពល ៦-៧ ឆ្នាំកន្លងមកនេះ។

ម្យ៉ាងវិញទៀតនោះ ក្រោយពីការប្រកួតទេសចរណ៍ នៅសឹង្ហបូរី និងចិន កាលពីពេលថ្មីៗនេះ បង្ហាញឲ្យឃើញថា Inter Milan មានការប្រែប្រួលច្រើន ដែលអាចធ្វើឲ្យ Sadio Mane ផ្លាស់មកមិនខុសបំណងឡើយ។ ដូច្នេះហើយ មិនយូរទេ Sadio Mane មឹងផ្លាស់មកកាន់ Inter Milan ក្នុងតម្លៃខ្លួន ៣៥លានផោន។