ក្រុមបិសាចក្រហមបានរងបរាជ័យខ្លាំងមែនទែន ដោយចាញ់ក្រុម Chelsea ដល់ទៅ៤-០ ក្នុងការប្រកួតលីគកំពូលអង់គ្លេសកាលពីយប់មិញនេះ។

ដោយការចាញ់យ៉ាងអាម៉ាស់នេះ បានធ្វើឱ្យ Jose Mourinho មានអារម្មណ៍អន់ចិត្តចំពោះអ្វីដែលលោក Conte គ្រូបង្វឹក Chelsea បង្ហាញកាយវិការក្រោយពេលស៊ុតចូលម្ដងៗ។ អ្នកចាត់ការដែលទើបដឹកនាំ Man Utd បានប៉ុន្មានប្រកួត តែហាក់ទទួលផលមិនល្អនេះ បាននិយាយដូច្នេះថា៖ “គេបង្ហាញកាយវិការមើលងាយ Man Utd តាំងពី១គ្រាប់ដំបូង មិនមែននៅពេលគ្រាប់ទី៤ទេ។ នេះជារឿងដែលខ្ញុំឈឺចាប់ខ្លាំងជាងគេ”។

សូមបញ្ជាក់ថាគ្រាប់បាល់ទី១របស់ Chelsea ធ្វើបានលឿនមែនទែន ដោយត្រឹមតែ២៩វិនាទីប៉ុណ្ណោះ Pedro អាចបំបែកពងមាន់បិសាចក្រហមបានហើយ។ ខណៈដែល៣គ្រាប់ទៀតធ្វើបានដោយ Gary Cahill, Eden Hazard និង N’Golo Kante ។ នេះជាលើកទី ១ហើយ សម្រាប់ Jose Mourinho ក្នុងការត្រលប់ទៅ Stamford Bridge ក្រោយពីត្រូវ Chelsea បណ្ដេញចេញកាលពីខែធ្នូឆ្នាំមុន៕

https://www.youtube.com/watch?v=ndWkunNovo8