ក្រុមជើងខ្លាំងអាឡឺម៉ង់ Dortmund នៅតែមិនទាន់ធ្វើបានល្អ ដដែលក្រោយពីប្រកួតប៉ុន្មានលើកចុងក្រោយនេះ មិនទទួលបានជោគជ័យសោះឡើយ ក្រៅពីបរាជ័យនោះ។

ជាក់ស្តែងណាស់ ក្នុងការប្រកួតមិត្តភាព យប់មិញនេះ ក្រុម Dortmund បានបន្តប្រកួតចាញ់ក្រុម អ៊ីតាលី Atlanta ១-០។ ថ្វីបើ ការប្រកួតនេះ ក្រុម Dortmund បានគ្រប់គ្រងការប្រកួតយ៉ាងល្អមែន តែខ្សែប្រយុទ្ធមុតស្រួច របស់ក្រុមអាឡឺម៉ង់មួយនេះ មិនអាចធ្វើអ្វីបានលើក្រុម អ៊ីតាលីមួយនេះឡើយ។ ជាងនេះទៅទៀត ក្រុម Dortmund មានឱកាសស៊ុយច្រើនមែនទែន តែមិនអាចរកគ្រាប់បាល់បានឡើយ បានត្រឹមតែសោកស្តាយឱកាសប៉ុណ្ណោះ។ យ៉ាងណាវិញ ក្តីសង្ឃឹមរបស់ក្រុម Dortmund ត្រូវបានបញ្ចប់ នៅនាទីទី ៧១ ខណៈដែលកីឡាករ llicic របស់ក្រុម Atlanta រកបាន ១គ្រាប់ មុន ដែលជាគ្រាប់បាល់រក្សារហូតដល់ចប់ការប្រកួត ធ្វើឲ្យក្រុម Dortmund បរាជ័យ ជាថ្មីម្តងទៀត។

ការបរាជ័យ របស់ក្រុម Dortmund នេះ បង្ហាញឲ្យឃើញ នូវការធ្លាក់ចុះ នៃកម្រិតលេងរបស់ក្រុមនៅអាឡឺម៉ង់ ព្រោះថា ក្រៅពី Dortmund ក្រុម Bayern Munich ក៍បានប្រកួតចាញ់ ប៉ុន្មានប្រកួតជាប់ៗគ្នាហើយ នៅមុនរដូវកាលនេះ។ ដូច្នេះហើយ Dortmund ត្រូវតែពង្រឹង សមត្ថភាពបន្ថែមទៀត ដើម្បីមហិច្ចតា ចង់ឈ្នះពាន នៅរដូវកាលក្រោយ។

ខាងក្រោមនេះ ជាវីដេអូ ការប្រកួតហាយឡាយ រវាងក្រុម Dortmund និងក្រុម Atlanta៖

https://www.youtube.com/watch?v=qJ_X0eDOGi8