ក្រុមស្តាចស Real Madrid បានជួបសំណាងអាក្រក់ដោយសារតែកីឡាករ Gareth Bale ប្រហែលជាមានបញ្ហារបួសបន្ទាប់ពីគាត់បានដកខ្លួនចេញពីការហ្វឹកហាត់ជាមួយមិត្តរួមក្រុម កាលពីថ្ងៃអង្គារ។

ក្រុមរបស់លោក Zinedine Zidane កំពុងត្រៀមរៀបចំការប្រកួតមិត្តភាពជាមួយនឹងក្រុម MLS All-Stars នៅក្នុងទីក្រុង Chicago កាលពីថ្ងៃពុធនេះ។ Bale បានរងរបួសជាបន្តបន្ទាប់ដូចកាលពីឆ្នាំមុន ខណៈដែលរូបគេបានចង្អុលទៅកជើងរបស់គាត់ហើយដើរយឺត ៗ ចេញពីទីលាន។ បញ្ហារបួសកាយសម្បទារបស់កីឡាករវេលស៍នេះ នឹងក្លាយអាចខកខានរហូតដល់ប្រកួត La Liga និង Champions League ហើយនឹងជួបជាមួយ Manchester United នៅ Super Cup នៅសប្តាហ៍ក្រោយផងដែរ។

Bale បានបង្ហាញខ្លួនត្រឹមតែ ១៧ លើកប៉ុណ្ណោះនៅក្នុង La Liga កាលពីរដូវកាលមុនហើយបានក្លាយជាកីឡាករបម្រុងក្នុងជំនួប Real​ Madrid ឈ្នះ Juventus ក្នុងវគ្គផ្តាច់ព្រ័ត្រ Champions League ក្នុងទីក្រុង Cardiff កាលពីខែឧសភា។

សូមរំលឹកថា ក្រុមរបស់លោក Zidane នឹងត្រូវជួបជាមួយក្រុម Manchester United នៅឯទីលាន Philip II Arena ក្នុងទីក្រុង Macedonia នៅថ្ងៃអង្គារទី០៨ ខែសីហាខាងមុខនេះ ហើយថ្ងៃពុធនេះនឹងត្រូវប្រកួតជាមួយ MLS All-Stars ប៉ះកីឡាករឆ្នើមៗដូចជា Kaka, Bastian Schweinsteiger និង Tim Howard ៕