ខ្សែប្រយុទ្ធឆ្នើម ឈីលី Alexis Sanchez កំពុងតែអន្ទះសារចង់ផ្លាស់ទៅកាន់ក្រុម Paris Saint Germain យ៉ាងខ្លាំង។

ថ្វីបើលោក Arsene Wenger មានបំណងចង់រក្សាទុក ខ្សែប្រយុទ្ធឆ្នើម Alexis Sanchez ក៍ដោយ តែសម្រាន់ខ្សែប្រយុទ្ធផ្ទាល់វិញ បានសម្រេចចិត្តចាកចេញពីក្រុមកាំភ្លើងធំ Arsenal ហើយ។ ជាក់ស្តែងណាស់ បើតាមការចុះផ្សាយ របស់ Metro Sports បានឲ្យដឹងថា Alexis Sanchez ចង់ផ្លាស់ទៅកាន់ក្រុម Paris Saint Germain យ៉ាងខ្លាំង ដើម្បីទៅជួបជុំជាមួយអតីតមិត្តរួមក្រុមរបស់គេ Neymar និង Dani Alves ។ ប្រភពដដែលបានឲ្យដឹងថា Sanchez អាចនឹងផ្លាស់ទៅកាន់ក្រុម Paris Saint Germain ក្នុងតម្លៃ ៥០លានផោន ខណៈក្រុមអ្នកមានបារាំងមួយនេះ ក៍ចង់បានខ្សែប្រយុទ្ធរូបនេះដែរ។

ប្រសិនបើ Sanchez ពិតជាអាចផ្លាស់ទៅកាន់ក្រុម Paris Saint Germain មែននោះ លីគកំពូលរបស់បារាំង នឹងកាន់តែមានប្រជាប្រិយភាពជាងមុន ព្រោះថា លីគមួយនេះកំពុងបណ្តុំទៅដោយកីឡាករឆ្នើមៗ ជាច្រើន ដូចជាក្រុម PSG ជាដើម។ យ៉ាងណាវិញ នៅមិនទាន់មានការផ្លាស់ប្តូរជាផ្លូវការណ៍នៅឡើយទេ ព្រោះថា ក្រុម Paris Saint Germain មិនទាន់ទទួលបានចម្លើយពីក្រុម Arsenal នៅឡើយ ស្របពេលដែលក្រុម Man City Juventus, AC Milan ជាដើម ក៍កំពុងតាមប្រមាញ់ ខ្សែប្រយុទ្ធឈីលីរូបនេះផងដែរ។

ដូច្នេះហើយ ក្រុមកាំភ្លើងធំ​ Arsenal ប្រហែលជាមិនអាចរក្សាទុក Alexis Sanchez បានយូរអង្វែងឡើយដោយសារតែសាមីខ្លួនចង់ចាកចេញទៅហើយ។