ខ្សែប្រយុទ្ធ ដែលមានតម្លៃខ្លួនផ្ទេរមហាសាល Neymar អាចចូលលេងឲ្យក្រុម Paris Saint Germain បានហើយ ក្នុងការប្រកួត ជាមួយក្រុម Guingamp នាយប់ថ្ងៃអាទិត្យខាងមុខនេះ។

អ្នកគាំទ្រ ក្រុម Paris Saint Germain កំពុងតែទន្ទឹងរង់ចាំ ការបង្ហាញវត្តមាន ក្នុងទីលានរបស់ខ្សែប្រយុទ្ធឆ្នើម Neymar ជាង១អាទិត្យកន្លងមកហើយ ខណៈការប្រកួតបើករដូវកាល ខ្សែប្រយុទ្ធប្រេស៊ីលរូបនេះ មិនបានបង្ហាញខ្លួនឡើយ។ យ៉ាងណាវិញ សម្រាប់ថ្ងៃអាទិត្យនេះ Neymar នឹងបង្ហាញខ្លួនលើកដំបូងឲ្យក្រុមអ្នកមានបារាំង Paris Saint Germain ហើយ ដែលនេះ គឺជាការបថ្ហាញនូវភាពភ្ញាក់ផ្អើលសម្រាប់ក្លិបថ្មីរបស់រូបគេ។

តាមរយៈ​ ការបង្ហាញខ្លួនលើកទីមួយ នេះ Neymar ត្រូវតែធ្វើឲ្យបានល្អ ក្នុងការប្រកួតនេះ យ៉ាងហោចណាស់ ដើម្បីចៀសផុត ពីការរិះគន់ ពីសំណាក់អ្នកគាំទ្រនោះ ខ្សែប្រយុទ្ធឆ្នើមរូបនេះ ត្រូវស៊ុតចូលទីគូ ប្រកួតយ៉ាងតិច ១គ្រាប់ដែរ។ ជាការពិតណាស់ Neymar កំពុងស្ថិតក្នុងក្រសែភ្នែកអ្នកគាំទ្រ រាប់លានអ្នក ដែលចង់ឃើញពីសមត្ថភាព របស់កីឡាករ រូបនេះ នៅក្រុម Paris Saint Germain ព្រោះថា តើតម្លៃ ដែលក្រុមបារាំងមួយនេះទិញ Neymar ក្នុងតម្លៃ ២២២លានអឺរ៉ូ នោះ សាកសមដែរឬទេ?

ដូច្នេះ រង់ចាំមើលថា Neymar ធ្វើបានល្អ ឬមិនបានល្អ ក្នុងការបង្ហាញខ្លួនឲ្យក្រុម Paris Saint Germain ក្នុងជំនួបជាមួយ Guingamp នាយប់ថ្ងៃអាទិត្យនេះ។