ព័ត៌មានកីឡា

ក្រុមចំណូលថ្មី Huddersfield Town ឡើងឈរកំពូលតារាង Premier League បណ្តោះអាសន្ន(វីដេអូ)

ក្រឡេកមកមើលក្រុមចំណូលថ្មី ដែលទើបប្រមូតឡើង ពី Championship ក្រុម Huddersfield Town បានលុតក្រុមម្ចសស់ផ្ទះ Crystal Palace យ៉ាងដំណំ ក្នុងលទ្ធផល ៣-០ ឡើងឈរកំពូលតារាង Premier League បណ្តោះអាសន្ន។

ថ្វីបើ ទើបតែឡើងមកលេង នៅក្របខ័ណ្ឌ Premier League រដូវកាលនេះមែន តែក្រុម Huddersfield Town មិនអន់នោះឡើយ ដោយអាចយកឈ្នះក្រុម នៅ Premier League ស្រាប់ Crystal Palace ។ ជាការពិតណាស់ ក្រុមភ្ញៀវ មកពី Championship មួយនេះ បានចាប់ផ្តើម រកគ្រាប់បាល់នាំមុខដំបូង តាំងពីនាទីទី ២៣ ដោយការស៊ុតចូលទីខ្លួនឯងរបស់កីឡាករ Ward ។ យ៉ាងណាវិញក្រុម ម្ចាស់ផ្ទះ Crystal Palace បានវាយបកទៅវិញយ៉ាងខ្លាំង តែមិនអាចរកគ្រាប់បាល់បានឡើយ ស្របពេលដែល ក្រុម Huddersfield Town បានបន្ថែមការនាំមុខគ្រាប់ទី២ យ៉ាងឆាប់រហ័សនៅនាទីទី ២៦ ដោយកីឡាករ Mounie ដែលបានធ្វើឲ្យក្រុម ចំណូលថ្មីមួយនេះ នាំមុខបណ្តោះអាសន្ន ក្នុងតង់ទី១ ២-០។

ឈានចូលដល់តង់ទី២ ក្រុមទាំង២ បានបន្តការវាយលុក បន្ថែមទៀត ខណ:ក្រុមម្ចាស់ផ្ទះ Crystal Palace នៅតែមិនអាចរកគ្រាប់បាល់បានស្របពេលដែល ក្រុម Huddersfield រកបានគ្រាប់ទី៣ ដោយកីឡាករ Mounie ដដែល នៅនាទីទី៧៨ ។

ដូច្នេះហើយ ក្រុមចំណូលថ្មី Huddersfield បានដណ្តើមយក ៣ពិន្ទុ ក្នុងសប្តាហ៍ដំបូង ដោយយកឈ្នះក្រុមម្ចាស់ផ្ទះ Crystal Palace ៣-០ ឡើងឈរកំពូលតារាង Premier League បណ្តោះអាសន្ន។

មតិយោបល់