ក្រុមយក្សអេស្ប៉ាញ Real Madrid បានបង្កើតនូវរឿងរ៉ាវយ៉ាងអស្ចារ្យ កាលពីយប់មិញនេះ ដោយបានយកឈ្នះក្រុមម្ចាស់ផ្ទះ Barcelona ៣-១ ដោយលេង ១០-១១នាក់ក្នុងទីលាន។

ការប្រកួតយ៉ាងស្វិតស្វាញ រវាងក្រុម Barcelona និង Real Madrid ពិតជាល្អមើលខ្លាំងណាស់ កាលពីយប់មិញនេះ។ ជាក់ស្តែងណាស់ Real Madrid បានយកឈ្នះក្រៅដីលើក្រុម Barcelona ក្នុងលទ្ធផល ៣-១ ដោយមានគ្នាត្រឹម ១០នាក់ប៉ុណ្ណោះ ក្រោយពី Ronaldo ទទួលបានកាតក្រហម យ៉ាងមិសមសោះឡើយ នៅនាទីទី ៨២។ ក្រុមស្តេចស Real Madrid បានធ្វើការនាំមុខមុន នៅនាទីទី៥០ ដោយការផ្តល់កាដូយ៉ាងពិសេស ពីសំណាក់ខ្សែការពារដ៍ឆ្នើម របស់ក្រុម Barcelona កីឡាករ Gerrard Pique ស៊ុតបញ្ចូលទីខ្លួនឯង។ យ៉ាងណាវិញ ក្រុម Barcelona បានរកគ្រាប់បាល់ តាមស្មើមកវិញ ដោយការស៊ុតបាល់ ១១ម៉ែត្រ របស់កំពូលខ្សែប្រយុទ្ធអាហ្សង់ទីន Lionel Messi នៅនាទីទី ៧៧ ក៍ប៉ុន្តែត្រូវបានកំពូលតារាបាល់ទាត់ដ៍ឆ្នើម Cristiano Ronaldo ស៊ុតបាល់បាល់ពីជ្រុងខាងឆ្វេង យ៉ាងស្អាត បញ្ចូលទីវិញ នៅនាទីទី ៨០ បានធ្វើឲ្យ Real Madrid នាំមុខសារជាថ្មីលើក្រុម Barcelona ខណះ២នាទីក្រោយមក Ronaldo ទទួលបានកាតក្រហម ក្រោយពីដួលមុខទី របស់ Barcelona ។

ថ្វីបើ នៅសល់តែគ្នា ១០នាក់មែន តែក្រុម Real Madrid បានរកបានមួយគ្រាប់ទៀត នៅនាទីទី​ ៩០ ចុងម៉ោងទៅហើយ ដោយការស៊ុតយ៉ាងស្អាត​ របស់កីឡាករវ័យក្មេង កំពុងមានប្រជាប្រិយភាព Marco Asensio ដែលបានធ្វើឲ្យ ក្រុម Real Madrid យកឈ្នះលើក្រុម Barcelona ៣-១ ក្នុងការប្រកួតជើងទី១ Spanish Super Cup ក្នុងទឹលដី Barcelona ខណៈការប្រកួតជើងទី២ នឹងធ្វើឡើង នៅយប់ថ្ងៃ អង្គារខាងមុខនេះ។

https://www.youtube.com/watch?v=1uPPM9ysTQw