ក្រោយពីប្រកួតចាញ់ក្រុម Lazio ក្នុងជំនួប Italian Super Cup កាលពីថ្ងៃអាទិត្យកន្លងមក ក្រុមជើងឯក Juventus បានងាកមក សម្លឹងឃើញ កីឡាករប៊ែលហ្ស៊ិក សក់សំពោង Marouane Fellaini របស់ក្រុមបីសាចក្រហម Manchester United ។

បើតាមការចុះផ្សាយរបស់ The Sun បានឲ្យដឹងថា ក្រុមសេះបង្កង់ Juventus បានចាប់អារម្មណ៍យ៉ាងខ្លាំង លើខ្សែបម្រើ Marouane Fellaini ដែលជិតផុតកុងត្រាជាមួយ Man Utd នោះ។ ជាក់ស្តែងណាស់ ក្រុម Juventus បានផ្តល់តម្លៃចំនួន ២២,៥ លានផោន ទៅកាន់ក្រុម Manchester United សម្រាប់ការនាំយកខ្សែបម្រើសក់សំពោង Fellaini ។ យ៉ាងណាវិញ ក្រុមបីសាចក្រហម ទំនង ជាលក់ Marouane Fellaini ទៅឲ្យក្រុម Juventus ជាជាងលក់ទៅឲ្យ ក្រុម Galatasaray ព្រោះថា លោក Jose Mourinho មិនចង់ឲ្យអនាគត់ របស់ Fellaini ត្រូវបញ្ចប់ឡើយ។

ម្យ៉ាងវិញទៀតនោះ ក្រុម Man Utd កំពុងតែមានខ្សែបម្រើច្រើន ដែលពិបាកក្នុងការប្រជែងតំណែង​១១នាក់ ដំបូងណាស់ ខណៈ Herrera មានសមត្ថភាពល្អ, Matic មានទេពកោសល្យ, Carrick ជាកីឡាករចាស់វស្សា, Pobba , Mata , Lingard និង Mkhitaryan រួមទាំង Marouane Fellaini ទៀតនោះ វាដូចជាច្រើនពេកហើយសម្រាប់តំបន់កណ្តាលរបស់ បីសាចក្រហម។ ដូច្នេះហើយ Man Utd នឹងលក់ Marouane Fellaini ក្នុងតម្លៃ ២២,៥ លានផោន ឲ្យក្រុម សេះបង្កង់ Juventus ជាមិនខាន។