Real Madrid ឈ្នះ ៣គ្រាប់ តែមានបាល់ ១១ម៉ែត្រដល់ទៅ ២គ្រាប់

ក្រុម Real Madrid បានលត់ក្រុម Numancia ក្នុងលទ្ធផល ៣-០ ជើងទី១ ក្នុងការប្រគួត Copa dey Rey ដែលនៅសល់ជើងទី២ទៀត ត្រូវលេងក្នុងទឹកដី របស់ក្រុមអធិរាជស នេះវិញ។

ថ្វីដ្បិតតែ Real Madrid អាចលត់ក្រុម Numancia ដល់ទៅ ៣គ្រាប់មែន តែការស៊ុតដោយបច្ចេកទេសវិញ ក្រុមជើងខ្លាំងអេស្ប៉ាញមួយនេះ អាចរកបានត្រឹម១គ្រាប់ប៉ុណ្ណោះ។ Real Madrid បានគ្រប់គ្រងការប្រគួតនេះ សឹងទាំងស្រុង ដោយចាប់ផ្តើមរកគ្រាប់បាល់បានដំបូងនៅនាទីទី៣៥ ដោយការទាត់បាល់ ១១ម៉ែត្ររបស់ កីឡាករវែល Gareth Bale ដែលធ្វើឲ្យ Real Madrid នាំមុខក្នុងលទ្ធផល ១-០ នៅតង់ទី១។ ឈានចូលដល់តង់ទី២ Real Madrid នៅតែបន្តវាយលុកលើក្រុមម្ចាស់ផ្ទះ Numancia ដដែល ខណ:នៅនាទីទី៦០ កីឡាករ Pape Diamanka របស់ក្រុមម្ចាស់ផ្ទះ ទទួលបានកាតក្រហម១ក្នុងការប្រគួតនេះ។

ថ្វីបើយ៉ាងនេះក្តី Real Madrid ហាក់ដូចជាពិបាកក្នុងការរកគ្រាប់បាល់បន្ថែមណាស់ បើទោះបីជាលេង១១នាក់ទល់ហ្នឹង ១០នាក់ក៍ដោយ រហូតដល់នាទីទី ៨៩ ទើប Real Madrid អាចរកគ្រាប់ទី២របស់ពួកគេបាន តាមរយ:ការស៊ុតបាល់ ១១ម៉ែត្ររបស់ កីឡាករ Isco Alarcon និងគ្រាប់បាល់ចុងក្រោយទាត់ដោយកីឡាករ Borja Mayoral នៅនាទីទី ៩០។ ដូច្នេះហើយ ក្រុម Real Madrid បានត្រៀមខ្លួនឡើងទៅកាន់វគ្គបន្ទាប់ហើយ ខណ:ការប្រកួតជើងទី២ ធ្វើនៅ Santiago Bernabeu នោះ ក្រុមយក្សអេស្ប៉ាញមួយនេះ លេងដោយមិនចាំបាច់ព្រួយបារម្ភឡើយ។

គួរបញ្ជាក់ផងដែរថា ក្នុងការប្រគួតជាមួយក្រុម Numancia យប់មិញនេះ កំពូលខ្សែប្រយុទ្ធ Cristiano Ronaldo មិនានចូលលេងឡើយ ដោយ Real Madrid ទុកជើងសម្រាប់ការប្រកួត Laliga វិញ។