អ្នកចាំទីអន្តរជាតិអូម៉ង់កីឡាករ Ali Al Habsi បានចាកចេញពីក្លិប Reading ទៅចូលរួមនៅក្រុម Al Hilal របស់អារ៉ាប៊ីសាអូឌីត។

កីឡាករវ័យ ៣៥ ឆ្នាំរូបនេះបានចុះកិច្ចសន្យារយៈពេល ៣ ឆ្នាំជាមួយនឹងម្ចាស់ជើងឯក Saudi Professional League ដែលបានឈ្នះពានរង្វាន់ជាលើកទី ១៤ របស់ពួកគេកាលពីរដូវកាលមុន។ អ្នកចាំទីរូបនេះ បានសរសេរនៅលើ Twitter ថា៖ «វាច្បាស់ណាស់ថាជាការសម្រេចចិត្តដ៏លំបាកមួយ។ “ខ្ញុំបានចំណាយពេលពីរឆ្នាំដ៏អស្ចារ្យនៅ Reading ។ វាជាបទពិសោធន៍ដ៏ល្អមួយ»។ «ខ្ញុំប្រាកដថា Reading នឹងធ្វើបានល្អនៅរដូវកាលក្រោយជាពិសេសជាមួយនឹងអ្នកគ្រប់គ្រងដ៏ល្អឥតខ្ចោះដូចជា Jaap Stam និងឈានទៅមុខរហូតហើយនឹងមានលទ្ធផលល្អ»។

ដូច្នេះហើយ Al Habsi អាចចូលរួមជាមួយក្រុម Al Hilal នៅលើកិច្ចព្រមព្រៀងរយៈពេល ៣ ឆ្នាំ បន្ទាប់សហព័ន្ធរៀបចំការប្រកួតក្នុងលីគបានបន្ធូរបន្ថយច្បាប់ទៅលើកីឡាករបរទេសដែលអនុញ្ញាតឱ្យក្លិបយកអ្នកចាំទីបរទេស មកចូលរួមបាន៕