ខ្សែប្រយុទ្ធវ័យ ២៦ឆ្នាំ របស់ក្រុមស្តេចស Real Madrid កីឡាករ Lucas Vazquez មិនចង់ចាកចេញនោះឡើយ ពីក្រុមយក្សអេស្ប៉ាញមួយនេះ បើទោះបីជាមិនសូវបានចូលលេង ច្រើនឲ្យ Real Madrid ក៍ដោយ។

យ៉ាងណាវិញ បើទោះបីជាមិនសូវបានបង្ហាញខ្លួន ក្នុងជម្រើស ១១នាក់ដំបូងក្តី Lucas Vazquez ហាក់ដូចជាចិត្តមិនដាច់ក្នុងការចាកចេញឡើយ។ ក៍ប៉ុន្តែ កីឡាករអេស្ប៉ាញមួយនេះ មានការរេចិត្តយ៉ាងខ្លាំង ចំពោះអនាគត់របស់គេ នៅ Real Madrid ដែលជាហេតុធ្វើឲ្យកីឡាកររូបនេះ មានការព្រួយបារម្ភយ៉ាងខ្លាំង។ ជាក់ស្តែងណាស់ បើតាមការចុះផ្សាយរបស់ Don Balon បានឲ្យដឹងថា Lucas Vazquez អាចនឹងចាកចេញពីក្រុម Real Madrid ក្នុងពេលឆាប់ៗនេះ ខណះរដូវកាលដោះដូរកីឡាករ កាន់តែខិតជិតមកដល់ទៅហើយ។

តាមពិត Lucas មិនចង់ចាកចេញឡើយ ក៍ប៉ុន្តែ ការបង្ហាញខ្លួនបានត្រឹម ១២ប្រកួតកាលពីរដូវកាលមុន ក្រោមការដឹកនាំរបស់លោក Zidane បានក្លាយជាក្តីកង្វល់យ៉ាងខ្លាំងសម្រាប់កីឡាកររូបនេះ។ ម្យ៉ាងវិញទៀតនោះ បើតាមប្រភពខាងលើនេះ Lucas Vazquez កំពុងតែត្រូវបានក្លិបធំៗ នៅអង់គ្លេសតាមចែរចង់ផងដែរ។ ម្យ៉ាងវិញទៀតនោះ កាលពីប្រកួតបើករដូវកាលថ្មីជាមួយក្រុម Deportivo ខ្សែប្រយុទ្ធរហ័សរហួន មួយនេះលេងបានត្រឹម ១០នាទីប៉ុណ្ណោះ។ អ្វីដែលជាបញ្ហាចំបងដែល ធ្វើឲ្យ Lucas មានបញ្ហានោះ គឺកីឡាករ Marco Asensio ដែលកំពុងតែលេងឡើងជើងយ៉ាងខ្លាំង ជាហេតុធ្វើឲ្យ Lucas ប្រឈមមុខយ៉ាងខ្លាំង ក្នុងតំណែងរបស់គេ។

ដូច្នេះហើយ ជម្រើសដ៍ល្អរបស់ Lucas Vazquez នៅពេលនេះ មានតែម្យ៉ាងគត់ គឺត្រូវតែចាកចេញពី Real Madrid ដើម្បីទៅរកក្លិបថ្មីដែលផ្តល់តំណែងប្រសើរដល់រូបគេ តួយ៉ាងដូចជា Danilo ដែលកំពុងតែល្អ នៅ Man City ។