កំពូលខ្សែប្រយុទ្ធ Cristiano Ronaldo បានស៊ុតបញ្ចូល១គ្រាប់ ជួយឲ្យក្រុម Real Madrid ឈ្នះលើក្រុម Fiorentina ២-១ ក្នុងជំនួបមិត្តភាព Santiago Bernabeu ។

ថ្វីបើ Ronaldo មិនទាន់ផុតការពិន័យ ពីសហព័ន្ធ បាល់ទាត់របស់ប្រទេសអេស្ប៉ាញក្តី ក៍ប៉ុន្តែក្នុងការប្រកួតមិត្តភាព រំលឹកដល់អតីតប្រធានក្លិប Real Madrid ឬការប្រកួត Santiago Bernabeu ខ្សែប្រយុទ្ធ Ronaldo អាចចូលលេងបានដោយ មិនពាក់ព័ន្ធជាមួយការពិន័យឡើយ។ ជាក់ស្តែងណាស់ ក្នុងការប្រកួតយប់មិញនេះ ខ្សែប្រយុទ្ធដ៍ឆ្នើម Cristiano Ronaldo បានស៊ុតបញ្ចូលទៅបាន១គ្រាប់ ក្នុងចំណោមគ្រាប់បាល់ជ័យជម្នះ ២-១ របស់ក្រុម Real Madrid ឈ្នះក្រុម Fiorentina របស់ប្រទេសអ៊ីតាលី។ គួរបញ្ជាក់ផងដែរថា ក្រុមភ្ញៀវ Fiorentina បានរកគ្រាប់បាល់នាំមុខមុន នៅនាទីទី Veretout ខណៈ Real Madrid បានវាយបកតាមស្មើមកវិញភ្លាមៗ ដោយខ្សែប្រយុទ្ធ Morja Mayoral នៅនាទីទី ៧ និងគ្រាប់ទី២ ជាគ្រាប់ជ័យជម្នះ រកបានដោយកំពូលខ្សែប្រយុទ្ធ Cristiano Ronaldo នៅនាទីទី ៣៣។

ការប្រកួតនេះ សបញ្ជាក់ឲ្យឃើញថា Ronaldo នៅតែជាខ្សែប្រយុទ្ធមុតស្រួច និងគ្រោះថ្នាក់ដដែល សម្រាប់តំបន់ប្រយុទ្ធ។ ដូច្នេះហើយ នៅសល់តែ៤ប្រកួតទៀតប៉ុណ្ណោះ Ronaldo នឹងផុតពិន័យហើយ ដែលខ្សែប្រយុទ្ធរូបនេះ អាចធ្វើព្យុះធ្វើភ្លៀងបន្តទៀត ឲ្យក្រុម Real Madrid នៅ Laliga ។

តោះ! មកទស្សនាការប្រកួតរវាងក្រុម Real Madrid និង Fiorentina ខាងក្រោមនេះ៖

https://www.youtube.com/watch?v=1eMPL7rvqk0